AGAMES 討論區

標題: 一些補師的心聲 [打印本頁]

作者: TBGD 時間: 2013-8-22 02:11:52 標題: 一些補師的心聲

本帖最後由 TBGD 於 2013-8-22 02:22 編輯

作為個補師
打越高級副本(特別係水洞異界)
總有些心底說話向其他職業講

對坦克:
你作為坦克
我作為補師
我點都會盡我全力去補你
因為你掛掉
團也就去了8成
但你作為坦克.
也得稱職一點

坦白而言
你作為坦克責任就係坦怪.
食招無可避免
特別boss既自身範圍技
但你可唔可以推高d防同血?
你被boss打兩下就得番兩三千血
就算我疊齊小情歌+再生真言
都係每秒回你2xxx血
即使我再用埋其他補血技
係.. 的確你有番7-8成血
但下一招你就死左
我點補?

唔好話推高d防同血好難
我補師全點防
都有2萬8血 55%減傷 (52等冇源神冇食物冇buff)
你天生坦克
又有咩可能過唔到e個數?
食d食物+飲品啦
(高地牛奶+炸鮮奶一樣食物一樣飲品都係加防)
(去高地買2支牛奶
去搵小麥合一支牛奶做炸鮮奶之後牛奶+炸鮮奶個防就好睇d架啦)

對近戰打手:
作為補師
最對唔住你地
因為很多時都救不了你們..
除非你血高防高..

作為近戰.
你們和坦克一樣貼著王打
但你們卻沒有防同血..
有人點閃避點好高..
係... 你閃到隻王一次兩次三次
咁第4次? 第100次?
你真係可以由入副本到出副本都閃得哂?
咪開玩笑啦...
隻boss既普攻
有一下你閃唔到
你已經訓低左..
就算你重生.
我補你都係浪費時間..
因為轉個頭你又死.

若你有d防血都番咁上下
(以50等標準 2萬血以上最好過2萬2)
(有d防指你隻boss 2招都仲有2~3成血)
咁作為補師
都唔想見人死.
都會盡力救番你
但...
你可唔可以自己靠過黎?
唔好繼續企係王到食招?
我行過黎
就變左我食王招
一陣被佢暈埋就慘啦..
我被佢扣血..
咁到底救我自己好定救你好
(其實大家都知答案:補我自己)

作為打手.
還請你們自行閃招
帶多d水
(同樣50等為例
我補師入多人副本都有100支小+100中精良藥水
仲有d食物同飲品 +傷+速+防)
設定自動飲水個到 set高d
唔好怕哂水..
怕就唔好入多人副本...
因為補師唔係睇得你地幾多

咩話?
做咩唔疊小情歌?
不如你試下玩補師打水洞?
你除左見住全隊人都被人放緊血外
就係閃光..
我幫全隊疊得小情歌
仲邊有時間唱單補比坦克?

對遠攻打手:
8個字
自己閃招+自求多福

遠攻其實最有時間閃招.
因為睇得最清楚
又有多d位走.
我自己琴都係遠攻
所以我同樣清楚你地處境..
但坦白講..
你地冇近戰咁辛苦
佢地有時係想閃都閃唔到..
若果你地有多d血多d防
其實唔會有咩太大問題
最怕你地一招殘血
(我今天就見完...
一個岩岩重生跑返黎打王
一到位. 王鎖定佢.
啪死掉秒)
防+血...
冇防就用裝推高d啦..

係現今版本幻想神域
你有幾高血
冇防都係冇用.
你打水洞就知道
你冇防同割大動脈冇分別
你有幾多血都好
理得你4萬血都好
冇防都係幾秒就放哂
更加唔好講話被王鎖定

有冇打過異界?
我被跳跳兔王
砸一下噴左2萬血
我55%減傷都扣2萬血
你冇防3萬血
係.. 你仲未死
差一下普攻

咁閃?
當你見到十幾隻跳跳兔衝向你
後面仲有隻王
你就應該知道你閃唔哂咁多下攻擊

當你打奇蹟二王
你就什麼叫秒

補師唔係唔想補你..
係補血唔及你放血快.

作者: 啊諺 時間: 2013-8-22 02:54:12

我補你都係浪費時間..
因為轉個頭你又死.

憑你呢句唔覺得你好得好邊
唔好因為人地小血小防就唔補
我玩過場隻雙刀完全唔走位食技狂死我都照補
ps:我都有隻分身玩ec

作者: 10732112 時間: 2013-8-22 03:17:55

同fd打開
小情歌只疊坦先補坦再補自己情況許可先補其他
雙刀玩閃...要有一係閃到一係死既覺悟閃唔到就死?預左啦

作者: liveindark 時間: 2013-8-22 03:42:44

雙刀表示原來你班補血既就系因為睇死我地都系易死所以吾補
我都好明白補血真系幾辛苦要時時刻刻睇住邊個小血補邊個但同時又要KEEP住補隻坦吾可以比佢死
但身為近攻型既我真系好想講反句吾系得坦先對王怪有傷害系無錯我認坦系最強咁你就吾放其他近攻系眼內?由得我地死?
的確好多因素令我地吾可以打王途中要人幫我地復活(個個都忙住打怪/補血都無人得閒就算有,企反起又即刻比王瞄住想回血都回吾到又死一次)
但系咁原來我地無幫手打?定系你吾當個啲近攻型系隊員? 你打多人副本就系要團體合作補師就系幫人補血你陣系幫坦補其他吾補咁不如以後開個模式叫二人模式算啦?一隻坦一隻補血咪夠囉?你究竟明吾明組隊系咩意義?

作者: 啊諺 時間: 2013-8-22 04:09:28

liveindark 發表於 2013-8-22 03:42
雙刀表示原來你班補血既就系因為睇死我地都系易死所以吾補
我都好明白補血真系幾辛苦要時時刻刻睇住邊個 ...

唔好話埋我呀唔該我補全隊嫁

作者: TBGD 時間: 2013-8-22 04:16:24

我從沒有講過話唔補近戰
只係要有要求

要有一定程度的防同血
值得去救先救
係
你地係有輸出
但打左幾秒就倒地
咁我再補你血有咩意思?

第一次組隊
三唔識七
入到副本
當然係唔係都會盡力去補
見你死一次
ok 可能唔小心啫
一次兩次三次
每次我都係叫你滿血兩招倒地
咁我補你有什麼意思?
我與其補你
不如補下個遠程仲好
起碼佢地留係場上輸出仲多生存能力仲好

近戰一大堆只係推傷推爆
冇血冇防
一招殘血兩招秒

若果我見到一個有防有血既近戰
冇血識得抽身
我一樣會補因為佢值得我補

e個唔係話睇唔睇死你地問題
係效率問題
我放左個補落你地到
我自己要閃招
同一樣時間坦會冇左個補
我一補完你
唔夠幾秒就死
咁我補坦係對團隊最有利的做法
因為確保隻坦唔會死
仍然打緊隻王
冇俾佢reset
關仍然有機會過

其實近戰打個人副本已經顯示到佢既不利
坦克防高
補師可補血
遠程可放風箏控場
唯獨斧雙刀冇強力優勢
因為任憑你幾高傷
你都秒唔到王
但王反而可秒你

咁樣其實已經見近戰打手弱勢地方係生存力差
但係一大班仍然冇血冇防就咁入打5人副本
真係補師唔盡責惡意放生?

去巴哈看一看
參考一下
血防是的確有助增加生存能力
而這正是彌補近戰職業的弱點

唔該睇文睇清楚
我指緊冇血冇防
你是旦有一樣我都會抽空補一下
有血有防更是大力補

作者: colourp 時間: 2013-8-22 09:42:26

吾好話3m血我3萬2血 75%防（96xx）都照死
利申：兔仔副

作者: 調皮〃但美麗 時間: 2013-8-22 10:01:28

靠人打就係補血O既disadvantage

作者: iphonmn 時間: 2013-8-22 11:20:12

兔仔副,引BOSS去重新點就好易過...

作者: norman424 時間: 2013-8-22 11:55:54

我覺得千代女又好,兔仔副都好,你地都話佢地好高攻,3萬血都死,的確係,但係死既前題下係你地沒閃到佢地既大技。雖然佢個大技打既方向比較多,但係只要望下腳下既紅色地方,一樣可以閃到,只要唔貪刀,就可以保證不死。我同我D隊友第一次打兔仔副,打隻兔王都死左幾次,先發現左方法點樣避,就一直沒死過,5人全過關了,千代女都一樣。我本人係玩雙刀,亦都同FD一齊打過48副地獄很多次,不論係水洞,火洞,都不要貪刀,扣左血,就退後,等血高一點再上去,補下十字,補下斬切,就可以退後,避免扣太多血,咁樣機本上就唔會死亡。

作者: iamahtung 時間: 2013-8-22 14:04:27

本人3萬1血51%減傷（咩都唔食）
補人好輕鬆喎
五人副唔食水（我）, 企係到食住王技補全無問題
地獄照食技, 不過可能食水咁解

補師食住技補, 唔郁唔避, 自然易補
不過坦無2萬8血係慘啲
不過2萬2我都補過, 無問題既、依然一take過

作者: 貓貓 時間: 2013-8-22 14:12:00

作為一個ec 其實真系好辛苦

往往D打手又好坦又好都唔會明白當中辛酸淨系覺得你令佢死鬼咗就系ec失職

查實,你唔想死,唔該你行多兩步,避下技,你開心時又體貼到ec 何樂而不為呢?

作者: asd888 時間: 2013-8-22 14:42:49

引用"我點都會盡我全力去補你"你有依句其實已經好足夠  冇人會怪你
...................................................
作為一個主職杖副職補師
對低lv坦+組隊得你一個補師更難做

你叫我幫你補血  但你低lv扣血勁
主力補你又廢左自己主職武功
唔補你  又話冇team work

真難做

作者: 汐瀴 時間: 2013-8-22 16:02:23

其實雙刀都好慘,冇招技可以暈人,又低防低血

本人玩過雙刀而+轉左ec

作者: 不存在 時間: 2013-8-22 18:47:46

講真呢隻GAME既補算好人地星矢補先慘因為補的能力過大控制上來複雜肉體上疲勞之餘精神上一樣傷神
呢隻你盡左力補然後有人死沒人會怪你

但星矢正因為補太強大人地死基本上係你技術唔夠
打到6X打裝副本一堆玩補的都偷轉其他職業打了

力量愈大責任愈大
所以玩完星矢既補後對補師有恐懼症以後死都唔用補師做主要角色

作者: SnowBall0615 時間: 2013-8-22 19:54:14

睇左以上的回覆，其實樓主想講FF越高LV之後應該開始注重防同血，其次係技術走位問題....
因為就算血幾多但本身冇一定防禦，幾多血都係2-3招就冇，而且而家d人剩係識得1/3血先停手，
但老實講作為ec角度你一當血番黎補一補會更安全.....如果連自己有幾多血都唔睇既人，放生是有理由的....
我自己做過補又做過打手，做補其實睇得最多，每個人每個職業既打法同習慣都唔同，
好老實講唔係話針對雙刀，但雙刀本身係高攻但皮薄，而且好考技術，
基本上一場副本入面，如果雙刀可以全程都唔死，都已經算係高手(有冇人補都一樣，人人都應該自覺食水)

作為補師的角度，副本的岡位當然是令到全團不滅，尤其在危機面前補血當然有順序，除左自己坦係優先，佢唔頂就連補師都死，
試問連補師都死有邊個仲捱到?? 同埋好想同未玩過ec的人講，呢隻game既補血cd 幾快都好我都係覺得補得慢，平均要1秒先補到血，
就算疊小情歌3層每個都要1秒多d，仲要就算疊3層都只有15秒功用，你搞掂全團果時都夠鐘要補，
你話之後每人只要補一次就ok，但當你要閃招果時難免會斷小情歌，
咁你覺得要補師食招死都要補先對得住大家，定係補唔到你你因為斷左小情歌死而補師留得住??
團中有人死就要怪ec，咁ec死要怪邊個??  同埋就算唔玩ec但有責任認識ec既技能(每隻game都應該要，因為係專業問題)

每個職業都有好人同壞人，但玩得ec基本上都只係想幫大家做補血小天使，在我角度黎講，ec識得咩叫顧全大局已經好好~~
ec補人都要練習番黎架，每個人都有一段補得唔好既時間，尤其呢隻game補血唔係由細練起，所以好後期先可以補得好~
如果你點都係覺得ec問題最大，真心請你玩一次ec到38微光到45奇蹟，你會了解我地那種說不出口的無力感!!

***另外想講樓上講星矢隻game我未玩過，但如果ec能力太強大會被人怪，其實係咪d人過份依賴ec補血勁而完全唔理自己的血?
   如果係咁，都唔關ec事，試問我有幾高技術都好，人人都唔要命咁去死，我d招幾強勁都冇可能一對幾咁補，
   補唔切而犧牲左既人就會話ec技術問題，但令自己唔死先係最重要的吧??

個人意見...無意筆戰~

作者: pinkyho13 時間: 2013-8-22 20:11:09

同意.我只係一個副補,有次全隊人無EC我唯有做補.個坦49LV得2M血.我48LV都有2M2血.我補果時係44LV,補血技都補5到好多,叫佢地睇血,得個坦5睇.死係咁打,補到佢都無時間補其他人.主杖副書都幫手補.個坦係禁扣我就係咁補.冷卻時間3秒,已經可以害死好多人.最後搞到解散.好想一把車去個坦到.叫佢地教99%食藥水好冇,個坦話:5好

一扣一補有咩用? 我不如慳番D時間補其他人.

作者: icqfai2013 時間: 2013-8-22 21:48:18

我重炮手45LV，22500血

作者: R.Pattinson♥ 時間: 2013-8-22 21:59:33

辛苦曬==我睇到1半都唔想睇
咁多字

作者: 貓貓 時間: 2013-8-22 22:10:57

其實我同19樓一樣 ..不過我睇咗一半

作者: byebyefly 時間: 2013-8-23 10:45:46

完全認同你，我作為打手一下比人殺，我唔會叫ec補我，叫佢全力幫坦，個坦唔死就唔會re，唔re就打得贏
我係咁諗既

歡迎光臨 AGAMES 討論區 (http://061244113049.ctinets.com/)