AGAMES 討論區

標題: 你地疏肝啦 [打印本頁]

作者: 青頭文 時間: 2015-3-26 22:59:38 標題: 你地疏肝啦

前個排要收龍騎寵，收80圖，做80裝，賣點品賺儲備金，又唔見你地叫GM捉掛，呢家無後顧之懮，日日叫GM促掛，真係服左你地囉，你地搶到80圖咁Q貴，無可能唔知工作室會開工啩?定係知都唔理?虛偽。

作者: tachikoma 時間: 2015-3-26 23:33:13

...心有不甘...

作者: 小細細 時間: 2015-3-27 15:53:19

我唔鍾意單單打打, 我而家就對號入座,
因為我符合晒你講GA"收龍騎寵，收80圖，做80裝，賣點品賺儲備金"
捉外掛呢,
我就一直都有叫,
有一段時間玩家嘈得太勁,
所以先會見到你果個回報外掛專用PO,
老實講, 完全冇外掛係冇可能,
小量外掛, 我可以接受,
但係過左火位就會回報.
我條底線係, 我收工打機果陣, 我唔想見副本門外一堆外掛,
而個SER又LAG, 搞到我黑技, 或者隊中有人斷線,
當然你會話個SER LAG未必關外掛事, 但係我見到咁多外掛係個副本門口, 我就好自然會聯想到, 至於點去判斷係唔係因為外掛問題而LAG機, 呢D就係官方工作, 唔係玩家責任, 作為消費者我覺得有問題就會回報,
仲有就係, 我唔希望見到工作室洗交易頻。

之前我係另一個貼都話左俾你知, 而家存金量係歷使因素,
唔係見到出80裝先去買金, 賣點,
D金老早就已經存左係到, 只係一早頂晒裝, 官方又冇出新野就冇買野。

另外我睇唔到賣點品有咩問題? 賣點品工作室就會開工?
咁係唔係唔賣點品就冇工作室???
一係咁, 你叫官方封左點品可以交易呢個功能,
咁就大家都唔洗賣, 到時買點都慳返, 隻GAME 執得。

最後物以罕為貴, 如果D80圖係易出, 又點會炒得起?
又唔信你試以炒賢者之石, 睇下可以炒到幾耐, 又炒得起幾高。
D龍, 我試過前後都鍊左都有3千次, 講真龍毛都冇條, 你可能覺得幾萬金收條龍貴, 但我覺得佢值, 因為你對比返起12月份, 其實5萬金都係3-4SET高飾左右。

作者: yauwanhang 時間: 2015-3-27 16:04:53

本帖最後由 yauwanhang 於 2015-3-27 16:06 編輯

(1)無可能無外掛。
(2)無可能無工作室在遊戲內搵食。
(3)官方亦無可能把外掛全處理，不用旨意。
(4)物價由官方隨意調節的掉寶率所控制。
(5)玩多一兩年應該都摺得，乜都煙消雲散，開開心心玩，毋需鑽牛角尖。

作者: 青頭文 時間: 2015-3-27 22:03:55

玩家由lv1玩到lv80唔幫襯幣商真係會有10M金?夠本錢收橙時?收點品?夠本錢收圖做80裝去副本試極限(單刷真係爽呼?)?玩家真係可以靠手動刷副坐擁幾M金or賣畀幣商再賣畀一般玩家?金從何處來?

作者: MiniCar 時間: 2015-3-27 22:43:46

我從來無買過金~所有金都係副本打到既物品換返黎~
點數都係用金黎收~至於圖紙~自己打~或者用金收~
我唔追裝既~所以我係等平先慢慢整~
我都可以令自己全身加20~飾品除非~因為飾品對我黎講~太難加~
同招卷慢慢加~所以未20~
至於你講既10M金~我就儲左6-7M金~
橙時根本可以用招卷或者任務可以得到某些~
其實整裝或橙時~真係個人心態~
你要追裝就如現實中追電子產品同名牌無分別~
真係個心態度問題~
如有得罪既~我先講句~SORRY~

作者: 小細細 時間: 2015-3-27 23:42:55

本帖最後由小細細於 2015-3-27 23:56 編輯

青頭文發表於 2015-3-27 22:03
玩家由lv1玩到lv80唔幫襯幣商真係會有10M金?夠本錢收橙時?收點品?夠本錢收圖做80裝去副本試極限(單刷真係爽 ...

金從何來?其實你係唔係當左呢隻係新GAME?????
打怪刷副本係一個因素, 交易買賣係一個因素, 外掛都係一個因素,
隻GAME 開左1年有多, 我當1個玩家1日10金, 有1千個玩家,
即係1日最小出現1萬金, 1年365萬金,
但如果係1百金1日就已經係3千6百萬金係市場流通。
如果計算埋外掛跟本就係一個天文數字.
由之前大量外掛入侵, 就注定左直接拉高物價,
因為市場上流通金大量提升,
你見到幾萬金根本不值一談...

現實D, 如果你係一個新手, 你玩隻GAME 想起家, 走去賣點品,
好正常係根個市價賣, 或者高個市價少少, 好正常,
定係你覺得個市價係1:5.5果陣, 你走去賣1:2 先叫正常,
係GA你通知聲我, 我有好多FD收緊點, 幫你掃晒佢。

作者: 青頭文 時間: 2015-3-28 00:54:47

咪逗啦拜託,乜呢家仲有1000個玩家咩?10日升70lv,30日升80lv,每日100金,到80lv咪最多有3000金,幾多新手啱啱到80有財力10000金一張收80圖,2連附魔,3傷附魔,都係個句,"金"係邊樹黎?

作者: 青頭文 時間: 2015-3-28 01:08:50

金咁易賺,不如靜雞雞開個新AC由頭玩起,睇下有冇本事到80有財力收80圖做☆☆☆☆☆80裝/武,收屬傷藍武?收70金飾品?2連卡3傷卡解料理成就?

作者: 小細細 時間: 2015-3-28 02:15:57

青頭文發表於 2015-3-28 00:54
咪逗啦拜託,乜呢家仲有1000個玩家咩?10日升70lv,30日升80lv,每日100金,到80lv咪最多有3000金,幾多新手啱啱 ...

其實我真係唔知好嬲定好笑,
我玩咁耐OLG 第一次俾人問錢係邊到來。
唔識就虛心請教, 唔好下下出口傷人,
金係邊樹來? 上邊答左你啦仲問?
30日升80LV點解有財力收圖? 好簡單咪賣點LAW, 咁OK?
你真係當左隻GAME係新開?
你要記住而家唔係第一日開服..
而家冇1千人, 咁以前有冇?
好簡單一樣野, 你而家身上D金,
如果你唔玩你會點處置?
絕大部份人都會賣左佢, 咁D金就會係市場上流動,
當然你可以選擇留係個身到啦, 個人自由,
個系統回收唔到咁多金, 就自然通脹, 好正常,
D金係唔會冇啦啦消失左..除非合成費好貴, 就會通縮啦, 但而家個合成咁平...點回收?

你話不如我開隻新人玩試下有冇財力做80裝?
咁我可以答定你, 一定有,
點解? 因為市場上資金好充裕, 有心玩賣下點就OK.

作者: 青頭文 時間: 2015-3-28 02:52:10

我覺得,如果隻GAME要靠賣點先可以生存,我不如直接跟幣商買,到時外掛多左唔好怪我.

作者: 小細細 時間: 2015-3-28 03:04:23

青頭文發表於 2015-3-28 02:52
我覺得,如果隻GAME要靠賣點先可以生存,我不如直接跟幣商買,到時外掛多左唔好怪我. ...

咁你如果冇錢買樓又係唔係走去打劫?
當然你有權選擇, 但係後果就自負。

你要怪, 就怪之前個免啟動碼開號,
資金流入左市場就返唔到轉頭,
你要變返岩岩開服個價咁? 我諗就好難。

作者: 孤單心事 時間: 2015-3-28 08:19:43

又真係好幾笑 1個新手岩岩上80就要求頂裝但不課金???

作者: 想你的夜 時間: 2015-3-28 14:47:30

金從何處來???? 有hkd就有金架啦
無花錢又想要有頂裝新橙時新坐騎???online game唔岩你玩架啦...你去玩單機game啦
比心機d讀書第日賺到錢你咪一樣可以好似人地咁想要咩都有啦
隻game唔洗花錢人人頂裝新橙時坐騎...人地間公司點賺錢?d開支你幫佢比呀?

作者: tachikoma 時間: 2015-3-28 17:21:51

青頭文發表於 2015-3-28 02:52
我覺得,如果隻GAME要靠賣點先可以生存,我不如直接跟幣商買,到時外掛多左唔好怪我. ...

終於說出心底話...
要用掛就去用...後果自負...

作者: tsts1021 時間: 2015-3-28 23:30:57

想你的夜發表於 2015-3-28 14:47
金從何處來???? 有hkd就有金架啦
無花錢又想要有頂裝新橙時新坐騎???online game唔岩你玩架啦...你去玩單機 ...

我認同你最後果句喎!!

但唔想花錢有頂裝或其他野??! 得....24小時刷副幫你到

總有一日刷到夠錢買野架

作者: cskm2005 時間: 2015-3-29 11:55:03

本帖最後由 cskm2005 於 2015-3-29 11:56 編輯

小細細言之有理.

之前呢個GAME啲外掛多到無朋友.
個水庫多到爆.
依家已經算係好咗.
至少易P無咗工作室叫賣金,
亦都少咗副本門口一條龍既鐮刀外掛.

樓主,
其實打ONLINE可以學到好多經濟學既野.
你不妨進修一下經濟課程,
對你打機同做人都有幫助.

作者: mi5842013 時間: 2015-3-30 10:19:36

呢篇野既主題其實係咩?!
話緊D人充太多HKD然後賣點品買龍騎,80圖?! <--其實你有錢都可以..
定係話緊出寶率太低搞到人人瘋狂推高80圖價?! <--呢個純粹人品問題..曾經見人一日出3圖..
或者係知道工作室開工然後日日叫人捉掛=虛偽?! <--囧..頻道不同..溝通不能..

歡迎光臨 AGAMES 討論區 (http://061244113049.ctinets.com/)