AGAMES 討論區

標題: [官方請進] 希望官方提升稀有道具的出寶率 [打印本頁]

作者: 小細細 時間: 2015-5-18 10:44:02 標題: [官方請進] 希望官方提升稀有道具的出寶率

我希望官方提高一下出寶率,
港服跟台服出寶率一樣係唔合理,
因為台服玩家係港服數倍以上,
所以台服出寶率低, 因為人數多, 仍然可以維持稀有道具穩定供應,
而部份寶物, 例如設計圖, 玩家只學習一次就足夠, 所以價格穩定。
港服現在玩家已經少了很多, 當中仍有很多人未學習80圖,
而80圖等希有道具產出數量極少, 引至玩家爭相用高價搶購...
高價搶購帶來的後果是金大量流入, 系統無法消化市場上流通金量, 造成金價大幅貶值, 而一般非課金自然難以生存, 最後就唔玩, 人流就會持續減少形成惡性循環....
希望官方可以用港服實質人數來制定出寶率, 以維持市場上穩定供應。

作者: mi5842013 時間: 2015-5-18 11:52:59

支持...依家D配方咁貴...真係買左都無晒錢整囉...

作者: terrytam2010 時間: 2015-5-18 14:10:48

除左配方,官方活動的掉寶率比見鬼更難.像上次領的新居包,每天開晒8隻人去拎都唔中,限時活動居然set到咁難中.
另外而家進行緊既傢俱設計圖及材料掉寶提升亦一樣.每天開2隻人全清都打唔到一張設計圖或材料.每天開7隻人玩決鬥者聖殿都未中過傢俱盒.
我只係想佈置下自己間屋都難過中六合彩,莫講話會影響打副既配方.
仲有80材料為何掉落率都如此困難,防具5件5星要1440粒時間蟲絲,我可以大膽講成個服無人有能力唔去收而靠自己打返來.

作者: su_mingx 時間: 2015-5-18 16:33:32

由80圖出左到E家咁耐我只係出過2次飾圖左右,防具就1次都冇
我都算係毒個D人,1日2次全清,D防具配方影都冇個
真心希望官方提高掉寶率

作者: Eva 時間: 2015-5-18 17:00:49

係就最好
不過要整既裝都整晒

我d錢呀...

作者: 白雪限定 時間: 2015-5-18 17:53:01

唔買幣都唔知點合裝

作者: 小細細 時間: 2015-5-18 18:36:31

Eva 發表於 2015-5-18 17:00
係就最好
不過要整既裝都整晒
我d錢呀...

而家改出寶率係一定會有人覺得唔公平, 因為已經有一部份人齊裝,
但係凡事2睇,
而家玩GA人剩返幾多, 大家心中有數,
現在出寶率係低得嚇人, 所以好多物品都被抄起,
因為供應遠遠不及需求....
而家情況係, 系統無法回收市面上大量金,
因而造成通脹, 一般非課金玩家難以生存所以唔玩,
就連普通貨金玩家都因幣值貶值太快頂唔順....
人流持續減少, 道具變得更稀有, 價格變更貴, 再推高通脹形成惡性循環.....

希望官方能提升稀有道具出寶率及制定有效的回收遊戲幣機制

作者: 叛逆小方 時間: 2015-5-18 20:15:11

本帖最後由叛逆小方於 2015-5-18 20:16 編輯

除左80圖難出,天塔同異界3龍金裝都難出到喊

其實80材料都好難出,唔收根本整唔到裝

重有G幣係好難儲
1日打副50g根本係唔夠用

因為外掛問題令大量金幣流入市場

一些買金的人會愈來愈有錢,相反唔買金的人係不變

依家整裝又要錢,收材料又要錢,收圖又要錢

前者就可以擁有相對ga錢支付,咁後者何來有錢,
有錢人愈有錢;無錢人愈無錢

造成窮人會收唔到稀有物品等

因為稀有品被抄高,有錢人用高價收購

無錢人根本難以生存

官方又沒有一些有效回收g幣方法

人流只會愈來愈少,請官方重視

作者: 折竹 時間: 2015-5-18 20:15:12

小細細發表於 2015-5-18 18:36
而家改出寶率係一定會有人覺得唔公平, 因為已經有一部份人齊裝,
但係凡事2睇,
而家玩GA人剩返幾多, 大 ...

身為一個普通課金玩家真係好同意
如果唔係人流太少，天圖應該頂籠同以前的狙擊差唔多價
今次練金都反映到人少左好多，時水同黑白染的價格持續高企……

作者: Eva 時間: 2015-5-18 20:28:04

本帖最後由 Eva 於 2015-5-18 20:31 編輯

小細細發表於 2015-5-18 18:36
而家改出寶率係一定會有人覺得唔公平, 因為已經有一部份人齊裝,
但係凡事2睇,
而家玩GA人剩返幾多, 大 ...

其實我又無咩所謂 3張圖有兩張自己跌自己開

至於「有效的回收遊戲幣機制」就有保留
圖價下跌>出圖賺既錢少左>因為回收金幣機制導致玩家更少錢
的確玩家有其他地方賺錢既而且出圖率上升放多幾張都填得番不過會唔會變左逼人打多D副?
原本公會頻某幾個幾日出一次圖既小X桃雙X 到時我驚忍唔住BLOCK左佢地

好似係咁…阿?

作者: cskm2005 時間: 2015-5-18 20:35:24

啲料勁難出.

活動禮盒又難出.

真係官迫民人買金/棄坑

作者: 小細細 時間: 2015-5-18 21:22:00

Eva 發表於 2015-5-18 20:28
其實我又無咩所謂 3張圖有兩張自己跌自己開

至於「有效的回收遊戲幣機制」就有保留

有效回收機制我係叫官方自已去諗...
唔係我提供果D...
或者你會覺得易左出寶, 寶會變平, 咁搵到金就會減少,
但係你試想想, 如果通脹咁落去, 你手上金真係有意義同價值?
回想1個月前點品1:5 而家係1:8甚至更高,
而家少人玩到1個程度係根本收唔到野,
咁點解唔提高掉寶率, 等大家都易D打到想要GA野?
坦白講, 以而家港服咁GA人數去SET一個咁低掉寶率, 根本係膠。

作者: 青頭文 時間: 2015-5-18 21:25:05

突然間我發覺樓上各位好清醒，終於察覺都遊戲生態問題，就係通脹，係咪用晒D金（10萬一隻巴哈騎寵），無晒錢用，所以出貼諗住叫官方出手，人性本自私。

作者: Eva 時間: 2015-5-18 21:29:43

本帖最後由 Eva 於 2015-5-18 21:31 編輯

小細細發表於 2015-5-18 21:22
有效回收機制我係叫官方自已去諗...
唔係我提供果D...
或者你會覺得易左出寶, 寶會變平, 咁搵到金就會減少 ...

咁易出左出多幾件既錢其實都差唔多
個問題係會唔會變左逼人打副?
每日4場全清?
不過物價下跌左其實又唔洗要咁多錢最好跌番去以前兩三千一件橙時就最好啦

再講果D回收機制應該係全世界硬食(好似係) 以前70橙製作費(?)
我賺既錢少左比NPC回收既錢又要多左?

不過個機制目前只係得個名冇詳細其實都好難拗
但係我就覺得要出既話應該就會變左全世界硬食
又唔係個個都幾萬G比你回收架嘛

出寶率果到我同意不過回收機制就算啦
一黎麻煩二黎整爛左又係全世界一齊黑仔

作者: 小細細 時間: 2015-5-18 21:36:40

青頭文發表於 2015-5-18 21:25
突然間我發覺樓上各位好清醒，終於察覺都遊戲生態問題，就係通脹，係咪用晒D金（10萬一隻巴哈騎寵），無晒 ...

反問一句,
如果你係賣家, 你會賣幾多金?
1千金, 2千金, 3千金?
係GA你通知聲我, 我幫你買左佢,
你要知道, 我而家討論緊GA係隻GAME本身出寶率偏低, 而拉高左通脹,
並唔係點品價格,
基本上點品價格係同HKD成掛勾,
金只係一個媒介,
如果金係值錢, 需要動用到10萬金?
當人地賣點係1:10果陣你又會唔會走去賣1:5?

作者: 小細細 時間: 2015-5-18 21:42:58

Eva 發表於 2015-5-18 21:29
咁易出左出多幾件既錢其實都差唔多
個問題係會唔會變左逼人打副?
每日4場全清?

其實我都有諗過點去回收先最好,
但諗唔到, 呢樣交俾官方啦,
但係而家個掉寶率, 只會令到仲有玩緊GA玩家帶來更多不便

作者: Eva 時間: 2015-5-18 21:45:42

小細細發表於 2015-5-18 21:42
其實我都有諗過點去回收先最好,
但諗唔到, 呢樣交俾官方啦,
但係而家個掉寶率, 只會令到仲有玩緊GA玩家 ...

我唔覺得官方會諗到一個好既機制出黎

作者: 青頭文 時間: 2015-5-18 21:53:07

小細細發表於 2015-5-18 21:36
反問一句,
如果你係賣家, 你會賣幾多金?
1千金, 2千金, 3千金?

我係輕課金玩家唔買唔賣金既，每次見到你地大額交易，抹殺左我辛辛苦苦賺返黎既錢，諗住刷夠幾千夠買配方，就係你地搶到咁貴，仲點玩，人少左，虛擬物品價格貴左，對你地有影響咩，你地唔是好大聲咁話入點換金囉，巧威威架，仲乜出埋D咁貼，幾時變心咁關心非課金/輕課金人仕？

作者: 青頭文 時間: 2015-5-18 22:17:37

現實唔是有班傻人同班炒家，樓價會升到到咁癲？遊戲唔係有班炒家+大孖沙，虛擬物價格會咁高？就係班大戶，令人有種錯覺，有80配方=發達，一切都係你地做成。

作者: 青頭文 時間: 2015-5-18 22:23:54

一出新鍊金，有幾多人會認真去碰運氣，一黎即刻出世頻$2500HKD收，咁有錢咪自己鍊囉，$2500唔夠，咪入夠25000囉，咁樣益外人，遊戲代理唔使賺。

作者: 青頭文 時間: 2015-5-18 22:27:46

咁關心非課金福祉既，即出新貼，高收所有低階配方，金飾品，材料，令所有新手到適當時候有幾萬金係身啦。

作者: 花誘惑翎 時間: 2015-5-18 22:40:04

提升稀有道具其實應該要一早做 ..
自己雖然已經棄左幻想坑 , 但心入面亦一直想回鍋

一次又一次斷斷續續上返幻想, 睇拍賣上既價, 睇易頻叫既價, 望一望出面賣金既金價, 再睇下留係幻想入面既人
只可以話
我深深覺得官方已經將幻想續步放棄
我心已灰

如果係以前
官方見到呢方面既貼文, 第一頁已經會回PO
但到而加, 一個PO都無回過...

望住拍賣, 由以前時裝有成幾十頁, 到而加得返幾頁

以前人流最多入親都好LAG既聖城
直到上次嘈交 (唔識講係邊次就係好多人圍觀係聖城望個次)
有個人講左句 "你地睇下原來幻想仲有咁多人玩"
我唔知佢真心咁講定點
而加幻想既人數
無錯, 就係噴水池位就已經可以容納得哂, 仲要有凸

由狩龍既開始
到今年星界神話封測
我只可以話, 我今次真正見到幻想既尾聲

作者: 小細細 時間: 2015-5-18 23:40:18

本帖最後由小細細於 2015-5-18 23:41 編輯

青頭文發表於 2015-5-18 22:27
咁關心非課金福祉既，即出新貼，高收所有低階配方，金飾品，材料，令所有新手到適當時候有幾萬金係身啦。 ...

係到我一次過回晒你,
老實講, 我鍊金係冇咩運氣,
之所以我點解收2千5HKD 1隻, 係因為我鍊左2千5HKD 未見中, 亦都唔覺得我再鍊落去會有咩意義, 所以我就用2千5HKD 直接收多隻, 至於你覺得貴唔貴就視乎你點睇, 係我角度覺得合理, 因為呢D始終係點品, 人地都係真金白銀買點鍊返來, 鍊到只可以講係人地運氣。
至於你講收野貴引起通脹,
其實我上次都已經叫過你去試下抄賢者之石,
你試下收10萬金1SET, 睇下你會帶動到個市幾耐?
真正需要高收只有稀有物品, 而果D物品之所以稀有係官方設定過低掉寶率所引至,
簡單來講就係市場嚴重缺乏該類物品, 而引至抄賣, 溢出資金缺乏回收先會通脹。

又反方向諗, 如果你係賣家, 你咁難先打到件野出來, 你又會唔會平賣?
根本唔會有1個標準價格, 所以你見到D人10個9個都拍賣,
就係想價高者得, 當1件道具勁難出果陣佢價格自然高企...
我之前都有開分身試過拍賣, 我競投一張8%連擊片, 我100, 100咁加上去, 結果條友叫我唔好玩野, 最後我係冇投。

買賣係雙方, 你出價低時都要人地肯賣先得,
如果件野唔係稀有根本抄唔起。

作者: 青頭文 時間: 2015-5-18 23:42:33

最冇資格出哩一種提高掉寶率貼既，係持住自己財雄個班，9成有人刷到8%血+連擊卡，開價太高，自食惡果，叫官方幫手提高出寶率。

作者: 小細細 時間: 2015-5-18 23:47:52

青頭文發表於 2015-5-18 23:42
最冇資格出哩一種提高掉寶率貼既，係持住自己財雄個班，9成有人刷到8%血+連擊卡，開價太高，自食惡果，叫官 ...

你搞錯左啦,
血果陣我早就收到了, 你需唔需要睇圖?
我果陣投GA係1張速度8% 2連卡, 我記得去到6千3左我就放棄左...

又好老實講, 如果自已都打到又何需收?

作者: 青頭文 時間: 2015-5-19 00:24:25

6300金就放棄，唔係好有錢既咩，唔夠金咪入點換金囉，再唔係$2500HKD收嘛。使乜叫官方提高出寶機率，係都未輪到你啦。訓覺，冕D再黎。

作者: 小細細 時間: 2015-5-19 01:16:14

青頭文發表於 2015-5-19 00:24
6300金就放棄，唔係好有錢既咩，唔夠金咪入點換金囉，再唔係$2500HKD收嘛。使乜叫官方提高出寶機率，係都未 ...

其實你係邊見我講我好有錢? 定係你覺得我好有錢? 有錢定義又係點?
我重來冇話過自已有錢。

每個人心目中都有個價, 高過覺得唔合理就自然唔買,
好正常, 個價唔會無限升上去。

不過有一點我係認同你, 的確改唔改對我係冇咩影響, 因為我早就齊裝, 如果改左就只會變成我之前收野收貴左, 同埋來緊稀有物品會降價。

作者: 小細細 時間: 2015-5-19 08:28:43

青頭文發表於 2015-5-19 00:24
6300金就放棄，唔係好有錢既咩，唔夠金咪入點換金囉，再唔係$2500HKD收嘛。使乜叫官方提高出寶機率，係都未 ...

回少左你一點,
你似乎幾關心我D金幾時用晒,
自從你上次嘈完我之後,
好坦白我已經冇再賣點, 亦都冇再從市場上回收任何金,
原因就係, 原來賣完點再用返出去GA時侯, 係會俾人嘈.
所以而家除左有FD 真係急需要之外, 我已經係唔會賣點.
至於我D金幾時用得晒, 保守估計係一年。

當然你可以繼續去酸我, 但對我絲毫無損,
只要掉寶仍然係咁低, 交易頻仍然存在拍賣, 問題只會不斷循環,
今日你見到我出高價, 第2日可能又係另一個, 沒完沒了,
問題根本唔係1, 2個人出高價拉高個市, 如果貨物充足, 拉高個市時間有限,
而家個市高企不下, 就係佢個掉寶率有問題。

作者: mi5842013 時間: 2015-5-19 09:18:00

其實土豪果D基本上都一早收齊架啦...依家開始調多D 80圖/稀有材料出寶率只係會幫到平民玩家...而且仲有機會吸引到D人回鍋...官方何樂而不為?! 唔通依家係想趕定客為星界舖路?!

作者: terrytam2010 時間: 2015-5-19 09:39:30

mi5842013 發表於 2015-5-19 09:18
其實土豪果D基本上都一早收齊架啦...依家開始調多D 80圖/稀有材料出寶率只係會幫到平民玩家...而 ...

我就覺仲有d土豪仲未收齊,就好似尋晚一張圖可以投到萬5就知d人幾有錢.
不過有時睇d土豪投野亦係一種樂趣,某大公會隻土豪神槍響會頻公然幫人枱價,而競投者神斧個公會之前都係成班聯手枱價,感覺拍賣真係睇自己覺得值唔值個價.

作者: q118811 時間: 2015-5-19 12:07:09

支持，作為一個無課非州玩家，對現在的物價已經絕望，好耐之前我憑努力可以買得起一套裝或時裝，衣家= =我都放棄了，個人認為金裝都應該加下，神域點= =一直都好尷介，對於唔係成日玩的人好難整到件135%的金(非州無誤)

作者: tsts1021 時間: 2015-5-19 12:55:07

我大至上都有睇到你地講乜~!!

但版主一隻字都唔見...可以唔洗再討論了

作者: 叛逆小方 時間: 2015-5-19 13:57:52

究竟係代理錯定係原廠錯
一次又一次ga失誤/出錯/所謂優化
設計方向錯

如果唔係掉寶低,D人邊有得抄
如果唔係80~85裝出到咁垃圾,D人邊會只收天譴
唔係出左問題唔處理,邊會到依定問題多多

作者: rho 時間: 2015-5-19 14:10:38

其實通脹既原因單純只係有大量外掛番黎既金流入, 回收速度追唔上外掛產金速度, 市場上金既流通量大左, D野自然就貴, 同出寶率真係冇咩關係.

就算台服人多, 寶物出得多, 但係需求量自然都多, 呢種供求關係同港服其實冇咩分別. 最大分別係台服防外掛做得好, 玩家產金同回收速度攞到個平衡. 咁樣就算有樣野幾咁稀有, 玩家手上都唔會有大量既金去炒, 所以物價先會比港服低.

官方應該做既係先學下人地點防外掛, 再推出一D同台服唔同既活動去回收番D過剩既金.

作者: alexy 時間: 2015-5-19 14:13:45

裝備哥D都算啦, 休閒系統D設計圖/百寶袋都難出到死, 真係想問官方知唔知休閒2個字既定義係咩...

作者: 小細細 時間: 2015-5-19 14:31:39

rho 發表於 2015-5-19 14:10
其實通脹既原因單純只係有大量外掛番黎既金流入, 回收速度追唔上外掛產金速度, 市場上金既流通量大左, D野 ...

其實防外掛講左好耐, 但係成效係一般,
本來台服上年年尾係有個活動回收金, 但港服CUT左, 我都唔明點解要CUT...
其實你講得岩想真正個物價回落, 係想方法回收市面上流通金,
但係要做到呢一點其實唔易。
正如你所講, 現在市場金流入量同外掛係有關系, 但係如出寶率唔係太低, 好多野係唔需要用高價去投, 而用高價去投等於加速金流入市場量...然後又循環..

作者: 行少 時間: 2015-5-19 15:31:17

呢隻GAME,根本課唔課金,都唔見得好大分別,
課金係時裝多D,配裝可以無咁深思熟慮,因為可以咩裝都整,咩裝都沖+20 5星
我開SER第一日玩到而家,見唔少無課,輕課既玩家可以PVE/PVP好強大

我同意橙裝圖呢D,掉寶率應該提高D,畢竟刷副本打寶升LV,係一隻GAME既基本
不過我個人認為亦都應該真真正正出返D極稀有,能力比一般裝明顯強大既"寶",係真正既"寶",去提高競爭同打寶意慾

而家根本課唔課金都一樣~
最好商城收藏冊,有達成%加成,每10%達成率就多一層加成
照顧普通玩家係合理
但我個人認為課金玩家既權益都應該要同付出成正比

回收遊戲幣好易~出金時,2-3件同款橙時合成一件金時~外觀特效強,加既屬性雙倍
再出200萬以上源神分既紋章引人洗,自然回收到金

作者: 小細細 時間: 2015-5-19 18:18:34

行少發表於 2015-5-19 15:31
呢隻GAME,根本課唔課金,都唔見得好大分別,
課金係時裝多D,配裝可以無咁深思熟慮,因為可以咩裝都整,咩裝都沖 ...

基本上認同,
但係點解金時有助回收遊戲幣?

作者: 叛逆小方 時間: 2015-5-20 01:22:34

小細細發表於 2015-5-19 18:18
基本上認同,
但係點解金時有助回收遊戲幣?

你諗到ga野代理點會諗唔到
只係佢唔做野姐
依家問題係:掉寶率低,令稀有品被高價搶購
佢唔出手我地都冇計

作者: yauwanhang 時間: 2015-5-20 04:15:30

其實商家主要收入，應該係商城果d強化卷之類。
玩家要強化裝備，一定買一大堆強化卷去用。
所以官方克扣起d裝備圖紙，其實無乜意思。
祇會牽起炒風，更會帶多d生意比金商。
都唔明點解要刻意為難玩家，但又對自己毫無好處。

莫非官方將來.... 打算連果d裝備圖紙，都用扭蛋去包裝，放商城賣錢？

作者: 行少 時間: 2015-5-20 12:00:16

本帖最後由行少於 2015-5-20 12:02 編輯

金時用意,我認為係必須拉開課金同唔課金既合理差距,等同我建議收藏冊應該要有加成
唔係佢出黎做咩,有咩用
樣樣100%又如何~?

作者: 米米 時間: 2015-5-20 12:11:42

其實代理係無權力去改..去做..
就算佢地收到你地意見, 覺得好岩, 應該要去改, 但佢只能夠反映俾原廠知"我想改"

所以同台灣果邊講先岩=~=
代理最多可以封號封工作室架JA

作者: 米米 時間: 2015-5-20 12:12:32

行少發表於 2015-5-20 12:00
金時用意,我認為係必須拉開課金同唔課金既合理差距,等同我建議收藏冊應該要有加成
唔係佢出黎做咩,有咩用
...

收藏冊感覺好似幫人慳背包咁=A=

同意有加成, 如果唔係收黎做咩=~=

作者: 立花里子 時間: 2015-5-20 12:36:24

这是一个看脸的游戏❀(๑╯◡╰๑)❀

作者: 小細細 時間: 2015-5-20 13:27:49

米米發表於 2015-5-20 12:11
其實代理係無權力去改..去做..
就算佢地收到你地意見, 覺得好岩, 應該要去改, 但佢只能夠反映俾原廠知"我想 ...

我玩緊港服, 唔係台服, 而且冇台服會員帳號, 即使回報都不會受理。所以第一步要俾代理知道情況, 再由代理回報。

作者: 米米 時間: 2015-5-20 13:29:22

小細細發表於 2015-5-20 13:27
我玩緊港服, 唔係台服, 而且冇台服會員帳號, 即使回報都不會受理。所以第一步要俾代理知道情況, 再由代理 ...

即係話同港服代理講係冇用......-X-
更何況台服本身的玩家講N次, 原廠也不會理會....

所以都係哂氣-0-

作者: 小細細 時間: 2015-5-20 15:22:56

米米發表於 2015-5-20 13:29
即係話同港服代理講係冇用......-X-
更何況台服本身的玩家講N次, 原廠也不會理會....

代理只係一個溝通橋樑,
所以第一步係要回報左先,
另外我要求佢修改係港服出寶率,
唔係台服出寶率, 所以係唔關台服事,
另外你見港服時不時都推出提高掉寶率活動,
就証明代理其實係可以調較掉寶率。
如果連試都唔試咁又點會有改變?

作者: 初月小藍 時間: 2015-5-23 01:07:14

其實掉寶率呢家野.. 你回報左..佢都只係會同你講..會跟進..
之後都係冇左件事...

作者: Eva 時間: 2015-5-23 07:42:29

行少發表於 2015-5-19 15:31
呢隻GAME,根本課唔課金,都唔見得好大分別,
課金係時裝多D,配裝可以無咁深思熟慮,因為可以咩裝都整,咩裝都沖 ...

原本無收藏冊果陣某D人咪又係件件都有
某D人咪又係差唔多件件齊
出左之後 D人為左個成加成率
件件都收乜價都推高晒
逼死D無課玩家? 要草到幾時先收到一件?
仲要合埋金時喎

再勁D既源神章我唔評論

作者: terrytam2010 時間: 2015-5-23 09:07:46

收藏冊有加成只會令隻game死得仲快.
將有課金同無課金既距離拉得越遠,隻game只會仲快玩完.一隻game其實無課金玩家人口係佔最多,當呢班無課金人仕生存唔到離開隻game,你就會發現原來得返班有課金人仕單刷副本了.
當然有課金人仕亦係好重要,佢地先係真正老細.收藏冊有加成令佢地更加勁,到時就會話副本太易打要求改勁,無課金肯本打唔到唯有離開.

歡迎光臨 AGAMES 討論區 (http://061244113049.ctinets.com/)