AGAMES 討論區

標題: 佛術方向取捨 [打印本頁]

作者: RY天凌 時間: 2008-12-13 19:35:45 標題: 佛術方向取捨

上一次打攻略已經係好耐之前:em800_02:
（趁打緊副本用小小時間黎打）
見到已經有一篇佛家既～咁我向度做小小既補充
希望幫到大家　如過有錯請指點

發展方向－－補血型佛術 & 增益型佛術
如果平時有固定團而有2個術士(佛)既，
可以睇裝備同招式選擇做補血型或者增益型
專精向某一方面，2位術士就可以相輔相成了

補血型佛術：
一般佛術都係專注於補血，前期補血作用都幾重要的
揀選裝備首要條件係高魅、越高魅力補血既數字就更高
專精招式：天甘玉露、推氣過宮、慈悲為懷、起死回生、娑羅雙、澤被蒼生、萬物回春

增益型佛術：
揀選裝備首要條件係高敏，越高敏捷
招式要夠專精，同埋需要既招式都較多，有金錢的可以選擇發展哩個方向
另外，一般增益型佛術都會配搭雙、三修。
補血要有一定既等級，以緊急情況幫手補血
專精招式：淨土無穢、洗髓換骨、醍醐灌頂、金剛咒、六道輪迴、恆河沙、子午心燈

裝備
佛術既補血招式都係睇魅力，另可以降低陰陽封印成功既機率
另外PVP時對方一般都會先攻擊戰場干擾者（術士）
所以防禦要夠高（另一種講法就係充當沙包XD) 如果防只有中等就要衝高體質
回顧返，術士都OK多野需要兼顧…

武器：學習石
帽子：藍寶石
護腕、衣服：月亮石
鞋子：紅寶石／黑寶石（視個人而定）
腰帶：紅寶石
頸鏈：舍利子（增加靈力，降低受法師攻擊傷害）
戒指：步翅靈石（全抗+2）、仙靈石（仙抗+8，降低儒家封印成功機率）
法寶：咒術石

屬性重置
首選：力量!! 因為術士招式都跟據靈力而唔係攻擊…
次選：體質／敏捷／魔力
點解要三揀一呢，好睇玩家本身既數值
-比較推薦體質，可以用紅寶石彌補血量問題
-如果本身敏捷唔高而唔選擇做增益型佛術既，可以重置敏捷
-個人唔建議洗走魔力，因為佛術本身已經靈低，再洗就無咩攻擊力了
而且，向PVP既時候法師攻擊佛術既數字都OK高、較高既魔力可以降低受法術既傷害
絕對NG：魅力　佛術最緊要係魅力～點可以洗走佢LOL

雙修
術士身為戰場干擾者，最好就係技能夠多而無用錯，
一個岩既招式可以令PVP反敗為勝，反之可以加劇隊伍滅亡既速度…

修陰陽主要係為左封印，最佳條件係魅高　封印戰士、法師
打劇情／副本佔重要既席位…不可少覤
兩儀調和：彌補佛術無無視靈力單體招
虛空禁錮：一般陰陽廣泛應用既封印…
清心寡慾：佛術解唔到既封印，推薦
穩心固念：解除智、仙系法術，彌補佛術解唔到儒封既問題
龍象純陽：專補寵物，增加寵物向戰場既持久力，最多補4
陰陽逆轉：敵方目標專用，加血變扣血、扣血變加血，趁對面氣歸、補血用哩一招嘿嘿
七星禳壽：使用後當回合目標死亡可以即時復活

儒較注重增益／減益方向，增益型術士可以雙儒填補所有增益步驟完成後既空檔
君子喻義：彌補佛術無無視靈力單體招
去蕪存青、靜以修身：大量剋扣MP同FP既招式（等級要高）
如果對方無帶藥、補MP/FP既招式，就可以出奇制勝了
（插話：我都經常被儒法封印+去蕪虐殺XD）
止戈為武、和為貴：封印其他術士既好物（等級要高）

無視魅力封印，想抗封既建議法寶鑲咒術石同戒指專鑲仙靈
仁者樂山：群補MP、FP，可以取替醍醐灌頂，增益型術士修儒最好悟到哩招

寵物
寵物哩方面心得唔夠多，希望有哥哥姐姐再加詳細資料～

佛術因為本身攻擊力唔夠高，所以寵要不惜工本整好佢
暴攻（以求一擊必殺）、血寵（保護自己）要各有一隻
高敏攻寵／血攻寵要有兩隻，維持攻擊輸出
最好有一隻鬼魂寵，PVP最後既寵靠佢架啦

法寵睇個人法術指揮修煉，否則既可以捨棄，因為需使用既金錢較多
媚笑寵可以充當一個迷你陰陽，視情況而定
＜其實寵有好多玩法，只要多諗諗，其實部份冷門技能可以成為殺死人既武器
至於哩D冷門技能包括咩就唔講了留返俾大家諗諗XD＞

招式比較
推氣過宮 VS 天甘玉露
天甘速率85，但補血量比推氣低，低敏既佛要適當地點
推氣無需要防禦點，消耗較少，可作儲點用途，而且推氣可以同悲慈交替使用
如果二選一，推氣係比較好既選擇

百喻不悟 VS 風舞蓮花 VS 紫氣東來
高級百喻中魔法毒既傷害數字都OK高，初級招式，
無中毒攻擊傷害比風舞低，而且速率只有50
風舞攻擊較高但唔會出現中毒效果，中級招式，速率60
紫氣東來無需任何控制點，可作儲點用途，高級招式，但攻擊力比中級只有高小小

金剛咒 VS 六道輪迴
金剛咒係佛術第一招封印，有利對付法師，封到招式但封唔到法寶
六道消耗較大，高級招式，封埋法寶，有哩招最好升

起死回生 VS 娑羅雙
起死回生係最保險既復活招，低級招式，但速率會隨級數下降，PVP既時候可以防守屍
娑羅雙，速率60，用途一樣，中級招式
一般佛術會選擇起死回生

洗髓換骨+醍醐灌頂 VS 仁者樂山（儒）
洗髓／醍醐單體回復MP／FP
仁者樂山則係群補哂2樣野
當領到仁者之後，醍醐可以捨去，但洗髓要留

恆河沙 VS 靈氣訣（儒）
恆河沙單體補血量較少，最大作用人數５，中級招式
靈氣訣單體補血量相對較多，最大作用人數３，持續回合較少
個人較推薦恆河沙

暫時打到咁多，諗到野再補充～

歡迎光臨 AGAMES 討論區 (http://061244113049.ctinets.com/)