AGAMES 討論區

標題: 華東之旅PART3 (第3日) [打印本頁]

作者: lamxdxd 時間: 2008-8-28 17:15:11 標題: 華東之旅PART3 (第3日)

第3日:三國城/太湖→紫砂茶具中心→靈山大佛→太湖珍珠城→蘇州→金雞湖新區→返酒店

今日同樣都係6點半就MORNING CALL吧~不過今次冇再訓醒左就傻下傻下咁!梳洗好後..準時7點15分放好晒行李係房門口,就去左食早餐
行果條長既走廊..發覺有好多桃花係度,不過唔知真定假既..而且好大煙霞...影相都蒙蒙地

食早餐果度..左轉右轉..勁難先搵到~不過好似又係冇咩可以食,所以又係食炒麵,又係食粥,加多個包,仲有1杯橙汁
食完野後..同樣去完個洗手間,準時8點15分上車~去洗手間已經成為左我地每次食完早餐既「指定動作」
今日既第1個景點..要兵分2路,1 D人就去三國城,另外1 D人就去太湖

↑三國城門口,係車上面影

↑太湖
同樣都係幾乎成團人都去左三國城,得我地8個人+另外3個人去太湖~不過我地做既野都幾舒服..
首先就係過馬路,接住就係去「洗手間」,不過太湖果度冇洗手間的..唯有入去D草叢度去~好在D樹夠高姐,如果唔係真係比人睇到晒
我地去果陣,係分開1對對咁入去,所以係唔會有男人/其他人睇到!不過導遊佢地好衰,唔等人既!搞到我地追得超辛苦
之後我地見到馬路邊有人賣提子,仲係巨峰提子黎,我地就即刻衝去睇下賣幾錢..
超平..唔知1磅提子都只不過係大約3蚊到,我地拎左幾粒黎試食,超甜+多汁!但係有核..不過唔緊要啦,咁好食+平
我地仲試埋青色既提子..賣果個人話係香蕉味,我食落去果陣,完全唔覺係香蕉味,似係芒果味多D
最後..所有人都買左1抽紅提+1抽青提~我地行左去涼亭果度,1邊睇太湖/吹水,1邊食提子
不過冇水洗提子..所以食提子既方法都要改改!但係食完之後..成隻手勁[痴立立],搞到要拎濕紙巾+我地帶黎既水洗手
我地就繼續吹水/發呆/吹風扇/睇太湖..自由活動到10點幾之後,就上返車去三國城果度接返D人
接晒D人之後..我地就去「紫砂茶具中心」度睇紫砂茶壺,由於果度唔比影相既關係,所以乜都冇影到
我發覺..每次去依個地方,睇既野,介紹既野都一模一樣..先拎杯茶飲,之後有人入黎介紹..最後就叫你買野
當果個人講完之後..我地就買左2套紫砂茶壺,好似唔知300蚊2套..超平!不過要記住,個茶壺盡量唔好寄倉,因為驚整爛
買完野,第1時間走人..之後就去食中午飯果度..中午飯同樣都係有無鍚排骨,但係好食過琴晚食果D囉~飯都唔係凍,但係我地食飯果陣..熱到乜咁,後來先知原來個冷氣係岩岩開既
食完飯本來諗住上車啦..點知個冷氣壞左..成個焗爐咁,咁我地咪返去餐廳度坐,餐廳入面果個人問我地做咩返黎,咪話車個冷氣壞左,要去整囉
之後等左成2個鐘後架車先返黎,果陣大約3點幾,仲要比返20蚊電費比餐廳,麻煩!
上左車後,我地就去靈山大佛,好似話係最大既佛黎~但係去到果陣我仲係係車度訓教,所以乜都唔知..
其他人影完相之後..就去太湖珍珠城,果陣都成5點幾..係佢地收工前既最後1個旅行團入去睇野+買野
唔知係咪D人趕住收工,D野賣到勁平..但係我地都冇買到野,冇咩野岩洗~
去完太湖珍珠城,就去蘇州..去到蘇州,都成7點幾了..第1時間走去食晚飯
今晚食D野都幾好食,有咖哩薯仔,青瓜炒蛋,油炸鬼炒唔知乜野,糖醋魚,仲有幾樣唔知乜餸加1個湯
唔洗問我一定又係食湯撈飯,雖然好似話咁樣食唔係咁好,但係我都廢事理,天氣熱到乜咁,白飯都食唔落口啦!

食完飯之後,就出左去附近行左陣,見到有D團友係間小食檔度買雪條,我好奇問下係乜雪條黎,個團友話係粟米味既雪條,超好食
我同呀媽咪1人買1支黎食,食落口,雖然係硬左小小,但係都好好食!到依加仲係好懷念果支雪條>___<~如果香港有得賣就好啦!
之後我就1路係車度食,同時我地係度遊車河..去左「新加坡工業園區」度遊車河~D樓,街燈超靚~好過香港果D呀..D環保人士又話唔環保/晒電!
去到金雞湖果度..我地就落車鬆下+影相,見到有個建築物爆似水立方..就影低左

↑就係依個,佢仲會轉色架

↑路上既街燈,靚過香港果D多多聲
影完相,之後我地就上返車囉,繼續遊車河..仲記得果陣架車1路行..D人1路「嘩」,我都嘩埋一份,超過癮!大家都變左做嘩鬼啦~
但係到左酒店之後D嘩聲仲勁..因為真係太靚啦>V<

今晚住既係「中新豪生全套房酒店」..5星級+全套房,正到爆炸!我地好似係住8樓..唔算太高

↑酒店大堂

上到房..D嘩聲仲勁..不過我都嘩埋1份,因為太正+靚,唔嘩真係對唔住自己!

↑1入到房就會見到1條小小既走廊

↑依張係我係廳到影既,不過影唔晒所有野

↑頭果2張係廳黎,第3張係係廳個洗手間
廳就睇完啦,係時候睇下間房同浴室係點架樣!

↑頭果2張係浴室,第3-5張係梳妝台,電視機,床
仲有依張梳化..個人認為依張都影得幾好=V=

D行李拎晒之後..我地就過左呀爺果間房度食係無鍚買果D水蜜桃,不過仲係唔太熟,硬硬地..但係都好多汁+甜

↑水蜜桃
食完水蜜桃之後,就返左自己房度沖涼~今次間酒店咁正,我緊係要浸下浴啦!但係D水真係超熱,搞到我即彈左上黎!不過溝左D凍水落去,先叫好小小
但係都算啦..浸浴D水要熱小小先好架嘛~不過我都只係浸左十幾分鐘到就沖身..D水超香..記得我浸果陣放果舊浴鹽係櫻花味..
沖完涼,順便刷埋牙..又係睇左陣電視,就訓著左教

作者: 我玩曬 時間: 2008-8-28 18:13:47

個鋼琴彈唔彈得架..

作者: lamxdxd 時間: 2008-8-28 18:25:54

原帖由 我玩曬 於 2008-8-28 18:13 發表
個鋼琴彈唔彈得架..

可以彈...

作者: 我玩曬 時間: 2008-8-28 18:28:43 標題: 回復 3# 的帖子

咁樓主你有冇彈過:loveliness: '

作者: lamxdxd 時間: 2008-8-28 18:29:42

原帖由 我玩曬 於 2008-8-28 18:28 發表
咁樓主你有冇彈過:loveliness: '

冇..我5識彈=0=

作者: 森siu優 時間: 2008-9-11 16:48:17

糖醋魚~ 好好食的 :loveliness:
你就好~ 好似整得好令~
我番大陸都成日食~
但一定你影果條咁令 +_+

歡迎光臨 AGAMES 討論區 (http://061244113049.ctinets.com/)