AGAMES 討論區

標題: 華東之旅PART5 (第5-6日) [打印本頁]

作者: lamxdxd 時間: 2008-8-28 17:15:59 標題: 華東之旅PART5 (第5-6日)

第5日:錢塘江→六和塔→行西湖→西湖新天地→龍井問茶→坐船遊西湖→返酒店

第5日..又係朝早6點半MORNING CALL,真係辛苦!不過個人冇呆下呆下都算好..起左身之後,平時會做既指定動作終於可以做小1樣,就係唔洗放行李係門口~梳洗完準時7點15分落樓食早餐就可以了~因為間酒店要住2晚!不過依間酒店既早餐真係冇乜野好食,我又係只食左牛角包,炒麵,湯河粉,多士,加一杯蘋果汁!
而且D侍應服務態度真係超差..經過見到D碟都唔收左佢,要我自己拎比佢佢先收~都唔知乜酒店黎,D態度差到咁都有..
食完早餐,又係8點15分出發,第1個景點就係行西湖+行西湖新天地..朝早個天陰陰地咁,都覺得今日1定會落雨..但係都超熱!而且D蚊好勁,企係度1陣都有蚊咬
西湖新天地..其實都係CAFE黎姐,冇咩特別~
以下就係係西湖果邊影既相

行完西湖同西湖新天地之後,就去飲龍井茶..
炒茶..相中炒緊茶果個人係咪好熟口面呢?「茶是故香濃」依套戲入面,佢都有拍到的

之後我地就入去房度聽野+飲茶啦..不過介紹果D茶..真係唔貴都唔介紹,唔貴都唔拎出黎賣!
最貴最係「明前龍井」..即係清明節之前既龍井茶,好似係3月尾至到4月5號之前摘同炒既..但係最終都係買左2斤,1斤呀爺,1斤呀爸..裝好茶葉之後,我地就去左超市果度買「天堂傘」..依隻牌子既傘..我依加都用緊..好好用,我買左把粉紅色既傘,入面係銀色底既,咁就算有太陽晒都唔怕!不過我舊果把仲用得,所以新既都係唔用住,到舊果把爛左先用新既!
買完野之後..就去左買「金華火腿」..入到去,超大怎火腿味..之後呀爸就幫朋友買左隻返去,好似300蚊1隻..

買完火腿之後..上返車,開緊車果陣,個領隊同我地講話香港打緊風..講完之後,就去食中午飯!
去到果間餐廳果陣,我睇到條路叫「曙光路」,我即時諗起「曙光2」依隻GAME~
今日中午飯呢,就食「老鴨煲」..不過我冇食到,我唔太鍾意食鴨!

而且我依5日以黎..中午飯同晚飯都一定係食湯撈飯既,所以湯撈飯已經成為左依個旅行入面我必食既野

食完飯之後..又去返西湖果邊,依次唔係行西湖,而係坐船遊西湖~不過果陣個天都好似就快落雨咁..
去到西湖..又大風,又落大雨,之後仲聽到行雷聲
然後去到上船果度既時候..D風直頭係冇停過,不過暫時停左雨~但係得十幾個冇上到船,包括我地8個人!因為太大風啦..有事起黎都幾麻煩!
之後個領隊就帶我地去洗手間啦,由於個洗手間係流動既,所以超臭!之後我地就行去另1個洗手間..但係果陣都已經超大雨,個天黑晒,加上D風都幾大下..仲聽到行雷聲~果個洗手間..幾大下,我地去完出黎,見到又大雨+個天超黑+行緊雷,就係個洗手間入面避下雨先,之後個領隊就去附近個涼亭到姐D人過黎~但係D雨落左N咁耐都未停,個天爆黑!之後我就企入D避下D風啦..點知唔小心去左男廁門口,搞到我面都紅埋=0=
之後過多1陣,就返出去搵返架車,但係果陣D雨都1樣咁大..而且行雷行得超大聲,搞到我超驚= =..冇辦法啦..我太細膽~
D路浸到...有時仲要行草地果度..但係對鞋都濕晒..出返去上船果度,搵埋架車..個全部人上晒車之後,個領隊就問之後既行程仲繼唔繼續,全團人都話唔繼續..咁我地就返左酒店度自由活動..自由活動就係吹鞋+沖涼~到6點半果陣落酒店大堂集合!
返到酒店,我第1時間走去沖涼..因為隻腳太濕,極之唔舒服,之後呀爸就拎左個風筒吹鞋..沖完涼出黎果陣,就訓係張床度睇奧運,超正!但係個風筒,真係炸到冇人有..吹吹下竟然壞左,之後叫人上黎換啦..成半個鐘到先拎個新既風筒上黎,我地去呀爺間房度吹鞋,都吹完啦..咁遲先送上黎,咪唯有吹頭囉,反正個頭仲係濕濕地..吹完頭之後,就1路睇奧運,1路食蝦條,超正!到6點25分到,就落去大堂度集合..之後去食晚飯~今次依餐..D野都仲OK~
今日仲衰添呀!!得3碟餸..白飯都冇!!

哈哈~~講笑,其實係咁多餸先岩

今晚食乾隆魚頭煲,,幾好食~而啡色1條條果碟其實係D粗到冇人有既粉絲黎..辣辣地,超好食!
仲有D超大粒既魚蛋..不過好容易就整爛

食完飯之後..我地又係返返去酒店,今次唔洗多講啦,又係住返同1間酒店!唔洗再打咁多字..爽死!
返到去,我地就去呀爺間房度食水蜜桃..今次D水蜜桃冇咁生啦..林林地,又甜又多汁,咁先好食嘛~
食完水蜜桃後..就返返房度沖涼淋下個身,之後睇奧運..11點幾就訓左!
--------------------------------------------------------------------------------------
第6日:西湖新天地→機場→上機→香港國際機場→返屋企

終於到第6日LU~~玩埋半日就可以返香港..爽死!7點鐘就MORNING CALL..可以訓多半個鐘,開心死!之後所有野都推遲左15分鐘..梳洗好後,7點半就放好D行李係門口之後落去食早餐,今日食既野同琴日食既野冇分別..只不過係食多幾個牛角包,食多D炒麵..食完野,去完洗手間,8點半就上左車!今次得1個景點去炸,就係去「清河坊古街」!依條街..又係第3次去,不過果陣落緊雨..濕到死,又要拎住把姐,超冇癮囉!不過又幾多野賣下既,又多野睇,雕刻,吹玻璃,畫畫,拉大片..都有得睇
不過拉大片係要比錢既,所以冇睇~

行左陣..見到有D個形狀怪怪地,又有字既「南瓜」,我地就去左睇下係咪真既南瓜黎,個小販話依D南瓜係假野黎,唔食得!之後問佢幾錢啦,佢就話全部都係15蚊1個!咁之後呀媽買左2個比朋友做手信,我就買左1個用黎擺!我果個係寫住「HAPPY EVERY DAY」~大聲向「你」說:你日日都要咁開心喔!

買完依D「南瓜」之後..就繼續向前行..行到最盡果度,就返左轉頭..去到10點幾到,我地就上返車度訓教,11點半..其他人都上返晒車,之後去機場LU!

不過去到機場,都成1點幾..派好晒機票+證件之後,就過關啦..不過真係好無奈囉~過果個唔知乜機..係唔係都響既,10個人行過,全部都響..之後仲要你行去比佢檢查你有D咩係度..仲衰過香港果邊..而且檢查行李果度,只開得1條LINE(應該冇串錯)..慢到乜咁,搞到排晒長龍!

好啦..搞左1輪..終於過完關啦,咪去D登機閘附近D椅度坐下..開頭又話2點幾起飛既,點知又話延誤..話4點幾先起飛,咁我就去下洗手間先啦,出刑黎..見到11號登機閘果度有得派餅,原來只要拎住張機票去排隊..就有得拎餅拎汽水,我排左一陣,就拎左3包餅,3罐汽水..超快!
食完餅..訓左陣教,都成4點幾..上得機啦..上左機..又唔係跟返果個起飛時間起飛,我咪訓下先,點知拖到成5點幾先起飛,都唔知搞乜!
起飛左之後,派既竟然係水..派水有鬼用咩,派飛機餐仲好啦!半個鐘後..佢先派飛機餐..仲要係食左都唔飽肚!之後飛到返香港..都成7點幾接近8點..架飛機狂係度兜圈+下降左1陣又飛返上去..都唔知乜事~最後要成8點半到先落機!又係過好關之後就走去拎行李..果陣都成9點幾..企左成半個鐘,都見唔到1件屬於我地既行李!最後成10點幾先拎得晒果5件行李..香港機場真係失敗囉!拎好行李之後,我地就同領隊講88,之後就搭的士返屋企,返到屋企,都成11點幾!沖完涼..開電腦,之後食野..玩到1點幾就訓教!

作者: egg123 時間: 2008-8-29 10:52:53

好似好好食咁-3-
雖然我唔多食野-3-
但係好似好好食-3-
lamlam姐姐下次帶埋月使一齊=]

作者: lamxdxd 時間: 2008-8-29 11:21:35

原帖由 egg123 於 2008-8-29 10:52 發表
好似好好食咁-3-
雖然我唔多食野-3-
但係好似好好食-3-
lamlam姐姐下次帶埋月使一齊=]

玩2人世界= =??
我都想喔..但係屋企人比5比+有冇錢都係問題=_=
不過搭飛機..真係幾好玩=口=
1生人搭幾次都好ge=0=""
係..但係有d餸好多油..我冇乜點食
同埋我每餐都只係食1碗飯..(d碗好細隻)

作者: egg123 時間: 2008-8-29 11:28:37

好過我= =
我食2分之一嫁炸=3=
我冇搭過飛基阿=.=
細個應該有一次ge...
我要增肥@@
你旅行左兩次bor
一定好有錢-_-

作者: lamxdxd 時間: 2008-8-29 11:39:04

原帖由 egg123 於 2008-8-29 11:28 發表
好過我= =
我食2分之一嫁炸=3=
我冇搭過飛基阿=.=
細個應該有一次ge...
我要增肥@@
你旅行左兩次bor
一定好有錢-_-

係第6次去旅行=___________________="
由1年班升2年班果個暑假到中1升中2 ge暑假都有去
而且我都5係好有錢- -...

作者: egg123 時間: 2008-8-29 11:40:44

我咪仲冇...
你6個呀=口=
我都唔知我自己搭唔搭到飛基....

作者: lamxdxd 時間: 2008-8-29 11:46:04

原帖由 egg123 於 2008-8-29 11:40 發表
我咪仲冇...
你6個呀=口=
我都唔知我自己搭唔搭到飛基....

將來出黎做野搵到錢咪去下lo..
5一定要去d超貴+遠ge地方...

作者: egg123 時間: 2008-8-30 12:50:59

我最想睇雪...
不過好凍...""
迷路就死....""""""

我一定唔會去旅行團...
因為比人話過豪華團....
超hurt.....

[ 本帖最後由 egg123 於 2008-8-30 12:52 編輯 ]

作者: lamxdxd 時間: 2008-8-30 14:06:57

原帖由 egg123 於 2008-8-30 12:50 發表
我最想睇雪...
不過好凍...""
迷路就死....""""""

我一定唔會去旅行團...
因為比人話過豪華團....
超hurt.....

睇雪...好似北京都會落雪?
記5好似話北京落雪5係好凍,,溶雪果陣先凍=0=
但係自由行就..................如果對果度5熟ge話都係5太好

作者: egg123 時間: 2008-8-30 19:31:32

迷路....
你應該拍抵你ge相出黎=w=
我叫我媽幫你睇睇相(我呀媽識)

作者: lamxdxd 時間: 2008-8-30 19:38:14

原帖由 egg123 於 2008-8-30 19:31 發表
迷路....
你應該拍抵你ge相出黎=w=
我叫我媽幫你睇睇相(我呀媽識)

睇相= =??算命= =?
我好樣衰的

歡迎光臨 AGAMES 討論區 (http://061244113049.ctinets.com/)