★《幻想神域》意見、BUG 集中回報帖 (官方定期瀏覽)

maybeareyou

解每日任務時經常係薄螢沼澤的堅殼蝸牛、人漁區、尖椎石林發現疑似使用外掛的玩家。希望官方可以派GM去該區睇睇。

maybeareyou

最近外掛越來越多了  尤其係審判高原/薄螢沼澤/忘欲林等地圖幾個分流都常見到 個個職業都係火炮  懶得發圖  GM可以親自去該地區看看  雖然對高級玩家無乜影響  但對新手或回鍋重練的玩家情何以堪  況且搞爛市場  如果唔想人流越來越少  希望官方能出個新方案解決  你戈個輸入文字只能抵擋一時半回  加上現在開外掛的有一半係坐電腦面前  雖然無辦法逼人唔用外掛  但至少都將個空氣搞好D  最後希望有良知的玩家一見到可疑人士就撿舉  唔好隻眼開隻眼閉/覺得唔關你事唔去理/覺得反正捉唔捉都係咁的諗法  你地咁樣只會被班外掛佬越來越狂妄!!

外加一點: 現在的外掛越來越高級仲會自動解任務，比人睇落似係人手控制之類。基本上紅髮男、穿工兵服、職業為火炮、2~3個以上角色蹲在某地點齊打怪或輪流一個接着一個或兩個齊解主線等等特徵90%就是外掛。
希望官方改為港澳手機驗證申請AC  並且只能一部手機申請一個號  我諗尼個方法肯定能降低外掛使用率，如果唔係玩家舉報完，你地有冇做野我就唔知了，但係有一點希望官方記住，就算你地有封都好，唔解決個申請帳號的問題，D外掛佬係永遠都捉唔完。

maybeareyou

我希望官方可向原廠反應，開放部份物品可以交易/放銀行:
1.源神金色飾品:  假設玩家打到但又唔係自己想要的源神飾品或者係多出的飾品，拆左又可惜(畢竟尼個野都要人品好先掉)，賣NPC賺得戈少少錢，留低又占位(除非你將源神升到60級)。開放左可以賣比其它有需要的玩家。
2. 希望能將比比斯放入個人倉庫，或者索性開放多個座騎銀行。
3.加左秘石的武器/裝備希望改成可放共用銀行，既然武器及裝備已經係固定個人使用，做乜加左秘石就禁放銀行了。你話不能拆解不能交易我理解，但就係多左個秘石啫，就唔能夠共用了?? 要放仲要鑲返佢出來先可以放入共用...有D不知所謂。

maybeareyou

官方  你地講好的防掛升級呢  直接看圖
仲有啊  佢地係根本就係挑戰緊你地官方  封完佢地大不了又再開
都建議你地限制只能港澳手機申請  並且只能一個手機號申請一個帳號
我地玩家能做的一係就遊戲檢舉   一係就隻眼開隻眼閉(大部份人都係咁)  再唔係就轉GAME走路
你地官方快D攞出骨氣比某D睇低你地的玩家以及外掛佬睇下啦

maybeareyou

外掛大軍已長駐副本  唔知官方有咩招數應對  另外我相信尼排伺服器延遲同外掛有關聯   希望官方留意

maybeareyou

回復神域使者  1~2件  我可以影低佢個名  但一堆呢   我就算影低成堆  仲要將名字一個個顯示出來?  我先無咁得閒，因為佢地實在太多了  依傢外掛佬一慣作風就係日頭就掛副本，一到夜晚GM收工就拿拿林刷野外怪。加上大部份玩家根本都懶得理，請問你地講的防掛升級仲未搞定?? 唔好覺得我成日都攞個外掛來講  一個正常玩家見到一堆機器人的心情如何?  

另外我要對你幫幣商同外掛佬講: 都唔知幾多game被你地班友搞殘，若果唔係尼度法律制裁唔到你班友仔，早就入去坐幾年啦，咁缺錢就腳踏實地搵多幾份工作，淨係識搞搞震。

maybeareyou

我最近發現一個問題  打白石時  無論係異界好定普通  打到尾王時  睇唔到尾王放出的小怪
但持續被小怪攻擊  以前都無尼個問題  至少我可以睇到  但某個例行更新後卻出現尼個問題
如果話我部機配置問題  但我幾個朋友都有類似情況  請問一下係咪BUG??


回复千宏   王怪名稱: 啟源使者‧尼諾

maybeareyou

maybeareyou 發表於 2014-6-3 23:32
我最近發現一個問題  打白石時  無論係異界好定普通  打到尾王時  睇唔到尾王放出的小怪
但持續被小怪攻擊 ...

點評
千宏  能否提供一下王怪的名稱?  發表於 昨天 12:31

回复千宏  王怪名稱為  啟源使者‧尼諾

maybeareyou

GM 雖然你地有打擊外掛  但我日日見到尼堆工作室  真係好無癮  
我諗最近伺服器不穩定同佢地有關了

maybeareyou

cskm2005 發表於 2014-6-22 23:45
更新完之後,成日彈機重組....點解?

我都有同樣事件  一時時彈game  跟住開返就係度重組=  =

仲有上次我講左白石神殿 尾王啟源使者‧尼諾 到依傢都仲係見唔到隻王放出的小怪  跟住持續被扣血  有人仲以為係箱會打人 其實係只小怪模組唔知去左邊度  我相信唔止我一個遇過!!

maybeareyou

我有時轉個角色  打場副本  無拉拉就會彈出米娜  你要我點玩?  
唔好同我講使用外掛  大佬我只係開網頁聽歌  遊戲重裝幾次都係咁樣!!
求解!!~

maybeareyou

我建議官方可以將隊伍招募  限制喊的次數 (例如每10秒只能喊2下)  有時D人係咁刷頻  我想入個組都被人洗到上去!!

maybeareyou

我就比幾個小建議:
1.將1~2ser合併  增加分流量 ，順便提高伺服器質量。
2.請GM好好檢查完有沒有問題再開機，唔想一上去又要維護。
3.招募限制每隔5~10秒才能再喊多次，有時D人亂咁刷，明明都見到人仲要刷。(真系手賤)
4.向原廠反映，降低70級的系統學習費/合成費。(例如500金變300金都好啊)

maybeareyou

我想提幾點
1.免啟動碼雖然可以幫助部份想玩FFO的朋友仔 但係有一個問題，工作室只會越來越多，其實官方可以將每日50名額拿啟動碼增加到100名額左右，然后將拿取權限提高，再設定一個論壇帳號只能拿1~2組啟動碼。唔洗搞個咩限期免啟動碼。吸引來玩是好事，但亦都會引狼入室，請注意。
2.請增加多兩分流，流通伺服器，或者換個大容量的伺服器。
3.由於新服人少，其實官方可以用一些福利吸引新人過去新服。舊服本來就是幾個伺服器合成一個的，本身就好易滿人，再比D大陸人+工作室+幣商，你伺服器再一流都頂唔住咁多人啦。
4.關於本人彈GAME的原因，我發現很多都是只是打開或關閉一個系統程式就很大機會發動，就連打開或關閉我的電腦都會偶爾彈GAME，我不清楚是否與WIN8系統的一些後台程式或者因為你地的防掛程式有沖突。

maybeareyou

希望官方解決紅燈問題 你地免啟動碼到期未啊 到期好快手封左D外掛喎  有時打場副本  陰公個人物企係度被怪打死幾次  次次都要等我重開機先可以順暢D真係好傷心

maybeareyou

經常見人抱怨紅燈，雖然慢慢就習慣，但有一個問題，可能大家都無仔細去諗，就係多開，成日都話工作室撐爆伺服器，咁樣佢地到底點樣撐爆法唔駛我多講，就係申請一大堆帳號，創一大堆鐮刀來刷副本和釣魚賺錢，其實唔少玩家都做緊同工作室一樣的事情啫，咁既然可以多開了，醒目的玩家咪會一邊釣魚一邊打本來快速賺錢，當這個方法慢慢多人使用時，伺服器人流就越來越多囉，所以你會見到明明爆紅燈，但玩家依舊都係咁少，打野團的可能一陣間就熟曬所有人了，假設十個人中有五六個用幾個分身AC釣魚賺錢，你試諗下整體個數目會有幾多呢， 因此伺服器咪爆紅燈囉，所以我希望官方可以向原廠傳奇反映索性直接限制多開，我相信尼個肯定能幫助伺服器較為穩定，工作室無得多開了，自然都會減少 ，這個才是治本又治標的方法，至於其它玩家嘛，唔好成日話咁我點賺錢，正所謂一視同仁，你係鐘意玩隻lag game來放鬆?定係一個良好的遊戲環境玩遊戲呢?

maybeareyou

w85594 發表於 2014-8-16 10:42
限制多開 第一個唔讚成！應該叫官方升級伺服器，   唔係玩限制 你自己唔開分身玩 唔代表全部人都唔玩 玩死1 ...

你唔駛咁激動喎 我知道傷害到你的利益 我只係比意見啫  至於多唔多開都係睇原廠傳奇面色 台灣戈邊都唔少人提過 如果佢地要限制早就限制了  不過我都係為了良好遊戲環境  不喜勿噴!!

maybeareyou

再一次建議官方向原廠重視多開問題  一個工作室可以靠一個電腦多開4~5個程式  假設有二十部電腦  咁佢咪80~100個AC了
你地封來封去都係封大陸工作室  但港澳工作室呢  仲有大把呢  既然貴公司都話想嚴勵清理外掛 咁樣咪一不做二不休向原廠
反映這個問題 !!  一個遊戲只能單開才是對玩家最大的公平性  其它玩家唔好講一大堆歪理!!

maybeareyou

現在的外掛真的幾醒目下  扮野回到村莊賣野算了  見慣不怪  仲會在NPC門面專登放三只召喚物  想比人睇似人手? 笑了 一睇就知系外掛  反正自從出左鐮刀後就係工作室的天下  右鍵檢舉真的會手酸  你地GM只要去到白石 微光  奇蹟 任意三個副本門口企一陣  包你睇到飽  相隔不到幾秒就幾個外掛角色出出入入   而且都唔知撿完後 你地有冇即時封號  請問官方有咩回應?  
如蝗蟲般的生物 官方應該準備好強力殺蟲劑!!

maybeareyou

外掛問題一直都是這遊戲的重大BUG  官方你地封IP 人地可以用VPN連接過來  就算你地全面封大陸IP  仲有港澳地區的工作室  雖然我無話要全部外掛都消失  因為這根本無可能  畢竟代理同外掛本來就是間接互相利用的 你地可以靠外掛撐人流  外掛都要靠你地長期經營  但都希望ALTA你地至少都盡力少少去處理啦 定時先清理一堆外掛來封玩家把口?  做咩唔日日都清理?  外掛比玩家要多的遊戲  你地唔處理咪由得工作室壯大囉  到時越來越少人時 又搞個限制免啟動碼來吸引新玩家入坑?   E+個市場已經夠亂七八糟了  咩價都有  正常價的玩家越來越少  奸商又一大堆  有冇充值的玩家都一樣悲衰!!!

PS: 一件手染服飾可以買到上萬金 我真係好佩服工作室刷金的能力  亦都很佩服一群同工作室買金的小朋友 多得你地  幾日內就可以將遊戲幣瞬間變質  真係好耶喎!!