★《幻想神域》意見、BUG 集中回報帖 (官方定期瀏覽)

悠雲~

希望遊戲入面既信件系統能優化成撳一個制就能全數領取,
同多項選取刪除過多的信件,
因為有時會一班人係領地開源神活動,
每次一打就幾百隻,收信同DEL信都撳到手軟,
以上優化功能可以幫玩家慳到唔少時間

同埋可唔可以打副時大大提高獲得小屋傢俱圖同火焰/貪婪印記等等等等既機率,
就算依段時間有活動特殊材料、稀有設計圖掉落機率加倍,
都一樣咁難跌圖同材料,
日日都打齊副但都係一張設計圖圖同材料都無,
想整靚間屋都好困難,
以上希望官方大大可以同原廠個面反映下 謝謝~

悠雲~

官方大大我提議將出係披月個D活動源神可以有得減返佢防, 記得年頭有出過打烏烈爾源神活動個陣又係好似今次咁唔俾人減佢防, 個時同現在一樣隻源神唔知係唔受歡迎定佢硬到D人唔想打佢定咩原因, 完全將隻野放置PLAY咁由佢自生自滅, 係交頻叫人打都無人肯去打佢真係好陰公

悠雲~

求官方留意下近期係遊戲入面的鐮刀外掛人數有上升趨勢,
幣商金價持續咁下跌令玩家去收金使樣樣野都升哂價新手好難支持玩落去,
其實個問題上年開始到依家都解決唔到唔明點解仲要取消招待碼
我明你地想吸引多啲人玩但個問題長期未解決會唔會有弄巧成拙既情況出現

悠雲~

回報一個長久以黎令人好困擾既一個問題,
天塔18層 同 天幻第3層 當唔小心中左海拉個DEBUFF一係就被迫跳舞一係就變動物,
依個無乜問題,
但問題係當玩家唔小心中左依D DEBUFF既同時隻王被打死出寶箱時,
玩家仲跳緊舞/變左動物打唔到個寶箱, 只能夠望住個寶箱俾一大班玩家秒左,
就算叫留箱, D人都收唔切技能而只能硬生生望住個寶箱秒左並消失,
個種時刻簡直就係一種絕望, 因為海拉碎只能靠依幾層黎搏,
就算機率低都想打佢搏下出唔出

重點:
老老實實官方人員可唔可以同傳奇溝通下,
出寶箱既時候同時解除玩家身上既跳舞/變動物 DEBUFF ,
我相信都有唔少人唔小心中過依個伏

追加:
強烈要求修改此問題, 真係令人嚴重十分困擾, 唔好話之後天塔箱會加保護罩就唔使修改,
一出寶箱個DEBUFF仲在身都唔使旨意會打到個寶箱

-------------------------------------我只是一條分隔線----------------------------------------------

回報多一個問題, 就係背包入面有個可惡的按鈕名叫"自動堆疊" ,
每次背包入面都排左方便自己既陣形,
點知一個唔小心HI到個按鈕,
就會即時迅間崩潰
又要自己再砌過
我問過10幾個人, 10個入面有8個都會唔小心HI到個按扭,都表示好崩潰+無奈

重點:
可唔可以加個訊問框框問下玩家係咪要將背包入面既物品自動堆疊
等玩家想自動堆疊時就禁確定, 只係HI錯個制既玩家就禁取消

希望官方大大就以上建議可以同傅奇反映下幫助小小玩家既請求 THX SO MUCH

悠雲~

求遊戲官方人員出+30裝備強化亦都考慮埋加強世王既血量同硬度,
依家10個玩家有8個都+30裝去打世王,
自然隻世王一出到黎比之前更快死亡,
好多玩家都未打得切隻世王就瓜左柴,
最快記錄隻世王一出到黎1.5秒-2秒就已經死左,
好多玩家都打唔到拎唔到箱, 個個都怨聲四起 ,
要賺錢時也不妨照顧下其他層面既玩家,有班持著自己有+30裝備既自私自利玩家走去秒左世王唔俾其他人打,
搞到連熱心幫人報世王時間次序既R玩家都心灰意冷唔再報時間次序,
之前已經令到有個熱心好人玩家走左,真係唔想又走多個好人玩家,
搞搞佢啦..依家隻GAME機械人玩家仲多過活人玩家..

出+30都已經有班玩家棄GAME唔玩,
難得打世王仲吸引到大量玩家去參與,
希望官方真係慎重考慮加強世王血量同硬度,
例如將天塔寶箱強力減傷的護盾應用埋落世王身上,
等班無恥自私自利既某D玩家唔會秒殺左隻世王 !!

世王=禿鷹高原 和 大雪嶺 依兩個地圖出既世界王

悠雲~

回報 公會時裝王翠絲特 不掉物品問題BUG

打公會時裝王翠絲特有10次以上
試過2次確確實實打中隻時裝王有扣血無MISS,
都係唔出物品俾我,
點搞阿打佢又唔出物品俾我= = 呃我食左兩次尋寶符
我公會入面都有人試過咁既情況, 並不只是單一問題發生

悠雲~

有關金寵物同坐騎放唔到入收藏冊問題

悠雲~

官方人員你好, 本人想請問點解逢親有特殊活動，

例如明天舉行的「女神降臨-日輪海岸」、幾個月前的「夏日物資大作戰」、釣龜活動等等，

都係多數係下午舉行，但台灣依啲活動都係夜晚先開始，

我想講嘅係..唔係個個玩家星期六都唔使返工可以坐係屋企參與依啲活動，

台灣都多數係夜晚舉行可以令到就算星期六要返工嘅玩家放工都玩得到，

唔明白點解黎到港服就變左係下午舉行

更何況依啲活動跟本唔常有真心想參與都難過登天

希望官方人員真係考慮下改變現時搞活動嘅時間變晚上令到更多玩家可以參與到,謝謝!