《童話輕小說》[被召喚的同伴]

hkg24

標題：《童話輕小說》[被召喚的同伴]
                    伺服器：月費版
                    角色名稱：卡斯度
                    作品內容：

我個名叫卡斯度，係精靈種族既男性族人，我15歲已經係光之信仰排行榜第一名，係16歲個陣已經成為左做光術師，17歲學埋最強既光法術「恩惠之雨」，18歲做左綠夫村拳王，19歲仲同顧汝章打七省拳王，最後緊係我贏啦。

但我既人生目標差唔多完成曬既時候，發生左一件足以變返我一生既事。就係我依家住緊既呢個童話世界發生異變，同其他世界開始融合，身為人大代表既我亦都比主席佢地捉左去開會諗點樣處理。祭司佢地都話係遺跡地下23F的魔王–不能說出的名字–既杰作，要阻止就必需阻止佢施法，但由於魔王實作太強大，根本冇人夠膽去，最後呢個重任就好自己落左係我呢個七省拳王既身上。唉～拳王難做呀，咁都入我數。算啦，魔王有咩可怕喎。但祭司佢地依然覺得我一個去太危險，就決定利用呢次世界融合既副作用，係其他世界召喚勇者黎一齊鬥魔王。

佢地問我，需要喲咩能力既人先可以幫我完成到呢次任務，我話以我實力，你是但搵多4個打手我都冇問題架啦，之後佢地就開始施法召喚。突然間閃左一下，4個召喚陣就多左4條友，望真喲，原來係奶爸大佬既男鹿辰巳，不列顛傳說的英雄亞瑟王SABER，火影忍者既佐助同？？竟然召喚失敗，都話喲祭司信唔過。不過呢個陣容應該冇問題，反而佢地喲戰積仲威過我，我怕我連出手既機會都冇。

曬左一斷唔少時候同佢地解釋，好彩佢地好難得咁明白事理，肯出手幫助，咁我地竟都靠個班信唔過既祭召直接過左去遺跡地下23F，咁好理想當然地，班祭司只係將我地傳左去13F，唉，班祭司炒曬佢地啦。由於我地呢個傳說Team太猛，完全秒殺一路打到上去23F，當我地想出手秒殺魔王時，佢竟然施法將奶爸佢地傳返去佢地自己既世界，得返我一個光術師要同魔王打。魔王：「七省拳王，如果你同我隻Dup贏左，我就放棄破壞呢個世界，相反你輸左，你就要成為我身體既一部份，哈哈」佢講完之後我出用聖光彈車埋佢度跟手出個恩惠之雨再黎個鐵沙拳之帶馬歸槽版。一個簡單既連技就KO左魔王，簡直就係完勝。

自始我除左係最偉大既光術師，七省拳王之外，又多左個世，救世主

完～