澳洲牛奶公司

兔兔

原文轉載自2000fun

以下所有言論均屬個人意見, 若覺得本帖有用請回覆支持^^

圖片來源轉自YAHOO圖片。 部份資料來源轉自開飯。

先由廣為人知的食肆開始介紹。  :loveliness:

相信很多人認為深入民心的茶餐廳文化, 未必是拍拖的好去處,
特別是年輕一輩, 分分鐘認為茶餐廳『老套』, 或者無格調。

其實個人覺得人愈大, 開始愈黎愈懷念一些比較港式/地道的食物。
今次介紹位於佐敦的 澳洲牛奶公司, 歷史悠久, 放假在尖沙咀行街shopping前不妨一試。 :ro07:
當然更重要係, 記得帶身邊的另一半去食啊。

基本資料:
地址 :   佐敦白加士街47號地下 英文地址：Australia Dairy Company
            47 Parkes Street, (Jordan)  
電話 : 2730 1356

消費 : $40以下



澳洲牛奶公司, 呢間餐廳食物種類唔算多, 早午快餐三種 外加其他散叫食物, 雖然再相比起一般茶餐廳可能會貴左小小.. (大約26蚊一個餐)
但份量超大, 絕對食得飽^^

閒日除左午飯時間會比較多人外, 其他時間多數都唔使排隊。
不過星期六日就要比較小心, 因為通常繁忙時間真係非常繁忙, 有陣時要係走火通道排隊等位。

個人心水推介快餐: 有叉燒湯意/通粉 + 牛油多士 + 火腿炒蛋/太陽蛋/煎蛋等等。



黎支凍鮮奶都唔錯喎 =)


至於已經食飽飯又想食甜品, 或者食完覺得唔夠喉, 不妨試下佢既雙皮奶。
個人覺我有少少甜同『漏』, 但係熱食味道真係唔錯。 :thup:



埋單都只係30蚊一個人, 如果要預成本拍拖的您地, 又唔想來來去去都係食西式快餐, 真係可以考慮考慮呢間 澳洲牛奶公司 呢。 :idea:

個人分享:
天氣開始轉涼, 同男/女朋友拍完拖去食碗熱的雙皮奶, 感覺溫暖又甜蜜蜜呢。 :redface:
女仔多數鐘意食甜野, 除左甜品店呢度真係一個唔錯既選擇!

餐廳優點: 伙計好快會招呼您, 上菜快, 而且係即叫即做 (甜品除外)。
餐廳缺點: 地方比較擠迫, 繁忙時段伙計態度非常麻麻, 地方有時比較混亂。

Ansel

我都有去過食,真係幾好食,而且很多客人,要等位呢?:victory:

兔兔

原帖由 Ansel 於 2008-10-31 10:59 發表
我都有去過食,真係幾好食,而且很多客人,要等位呢?:victory:

我第1次去食時係同屋企人去食, 因為星期日所以要等位.. 仲排好耐..
開頭覺得, 點解要晒時間黎食d咁普通既野。

後尾大個左先覺我, 呢d先真係叫做香港好食既野 :lol
相比去d咩西餐廳/酒店..
我寧願食呢d.. 大排檔/ 粉面店xD

高考果陣夜晚補習, 落堂一定去呢度食keke ;P :hug:

dingdong

我最鐘意食果度既 茶餐 -- > 炒蛋 + 多士 + 意粉 + 冬奶茶, 超正！尤其奶茶好多奶yummy yummy... 我90年代初, 你地仲未出世果陳已經去食la... ;P
真系咁多年都無變, 都系超多人, 超多夥計, 超噪吵, 每次去食都系好似打仗咁 :lol :lol :lol

兔兔

原帖由 dingdong 於 2008-11-1 00:33 發表
我最鐘意食果度既 茶餐 -- > 炒蛋 + 多士 + 意粉 + 冬奶茶, 超正！尤其奶茶好多奶yummy yummy... 我90年代初, 你地仲未出世果陳已經去食la... ;P
真系咁多年都無變, 都系超多人, 超多夥計, 超噪吵, 每次去食都系好似 ...

哈哈, 90年代我出左世喇xD 我係80年代尾既人xD!

茶餐真係超好食... 我而家係度成日掛住... T_T..

好野永遠都係多人支持。 :time: