《九年童伴‧您的童話》

傲零

童話？陪伴每個小朋友係溫室之中長大，一個個美麗既謊言。
當每個小朋友諗緊白雪公主點樣逃離後母魔掌既時候，我係諗緊點解會有一個因為魔鏡一句說話而下毒手既毒婦出現。
細細個我就已經好明白每個人都有陰暗既一面；自私，屬於每個人既陰暗面。

講真，哩個小小純真都無既我，童年真係無乜快樂。
因為屋企人既原因，不斷搬屋，令我的朋友很少，個人越黎越孤癖。

記得個年小學五年級。
班上面既同學開始係到討論緊賣火柴的小女孩有咩用，「一個童話故事既用處就係令細路仔比本身更加天真」我插嘴道。
圍埋討論既同學開始笑起上黎，「我地唔係講緊故事呀，係online game呀」
第一次接觸童話就係哩個時候。童話，亦令我同班上既同學有左討論既話題，加深左友誼。

離開左小學之後，大部份同學都放棄左童話，又或者去左玩其他online game。
我一路都堅持住哩隻令我認識第一班知友既遊戲。
雖然我不時都會去左玩其他game而冷落左童話，但係最後始終都係會番返黎，我諗原因係我對哩隻online game既情意結。
即使係而家，我仍然都只係記得童話故事既陰暗一面。
但係哩啲並唔係咩壞事，因為童話教識我既亦都唔少。

今年九週年喇，童話見證住我既成長。
由一個淨係識講「give me 650」既小學雞進化成一個「收純種狗狗小白」既成年人 (其實我都唔知 係咪叫進化左)
學識左避免做令人討厭既事，學識左做一個識得待人接物既成年人。

童話，多謝你。

GentlemanBeard

請補充您的遊戲角色，以便記錄。謝謝。