我決定開個新手族專幫新手 [複製鏈接]

steven88hk

二級平民會員

Rank: 2

帖子: 91
EXP: 160 點
金幣: -12 個
好友: 0
註冊時間: 2009-3-14

電梯直達

樓主

發表於 2012-5-31 23:30:47 |只看該作者 |倒序瀏覽

本帖最後由 steven88hk 於 2012-5-31 23:36 編輯

唔可以話開個新族, 我係現有的族來收新手, 當係改版前幫下新手(如果 GM 肯改的話)

9 LV 族, 族倉, 通道, 咩都有, 就係冇人 ... 因為我有段時間冇玩, D 人走曬, 而家好靜 ...

非常歡迎新手加入.

當然, 我會盡力提供福利幫助新手. (如果你係老手, 想入來攞著數, 請你高抬貴手, 我目的是想幫下新人, 等童話可以多 D 新血)

家族福利 :

1. 不定時帶升, 我主要帶升水木, 高 lv D 都得, 不過好勉強, 水木應該夠你升到 90LV ... (族人免費, 不過要注意就係, 因為我好多時候唔係香港, 未必有時間帶, 所以係 "不定時" 帶升. 我希望入族的人, 唔好次次我上來都問我帶唔帶升, 因為好煩, 我唔想我的族人入來係為左有免費帶升而入族, 我的目的是 "幫新手", 所以唔好成日問我帶唔帶升, 我開團帶升的話, 我會係族度叫人, 一般係星期六日)

2. 免費任務物品幫助. (我可以幫到做 / 打的任務, 我好樂意幫手, 只要係族中問就可以. 有時候需要做某 D 野, 麻煩你準備下材料比我, 因為畢竟低 lv 野我已經唔做, 要準備材料係好煩的事. 提示 : 材料大部分可以係物流度收)

3. 免費藥物. (係, 免費. 我會係家族垃圾桶內長期擺放 10 set 龍魂 + 10 set 玫瑰比族人免費用[高 LV 果 D 我暫時未做到住], 而且會不定時補充, 詳情入族後自己留意族中公告欄. 但是如果有人手腳唔乾淨, 我一定會追究到底. 講真呢 D 野賣唔到 D 咩錢, 如果真係有人拎曬族中垃圾桶內物資變賣, 我會要求 GM 徹查, 因為畢竟我都係想幫新人, 為童話帶入新血, 如果有人自私自利, 我覺得童話唔應該歡迎呢 D 人.)

4. 免費研磨(即將推出), (即係你要磨 D 咩, 請準備原石 + 相應數量的金剛沙, 放入家族垃圾桶, 我得閒會幫你磨左佢, 之後擺返同一位置比你, 140LV 以下石頭我都磨到.)

仲有好多, 不過唔得閒逐個打, 定時有 D 活動, 例如上下 23 啊 (可以打 D 值錢野, 例如屬調, 4 石等等), 或者打下 D 咩, 都可以 ...

呢個族係好耐歷史, D 人走走散散. 而家剩下的, 都是一班好好的人, 好樂意幫人的人, 而且是手腳好乾淨的人. (起碼我 D 藥物, D 人有需要真係取其需要分量, 唔會全部拎曬.), 而我見到新手入來童話, 覺得呢個 Game 好難玩, 好無助, 我都想幫下呢班新手. 我唔介意比野你地, 不過都係果句, 我希望入來的人, 可以將心比心, 拎你需要的, 留返 D 比其他有需要的人, 畢竟呢 D 唔係 D 咩值錢野 (核心果 D 我都唔會擺垃圾桶啦), 賣唔到咩錢, 玩 Game, 大家開心姐.

好啦, 廢話唔講咁多, 各位新手們, 如果你地想入族, 請係遊戲裡面叫以下幾個人 :

金瓶梅 (大頭目)

糖糖飛舞 (小頭目)

o蒲公英o (小頭目)

oO幸運之神Oo(小頭目)

其實最近上得最多是頭兩個 ... 如果大家覺得個族好玩, 我唔介意升你做小頭目, 負責收人. 不過都係果句, 唔該收 D 手腳乾淨的, 我唔想好似上次咁, 一開個垃圾桶, 咩都冇曬, 之後個人又離族, 又唔講聲, 講真, 我有 D 唔開心囉, 唔明點解 D 人可以咁自私. 所以有一段時間我 Lock 左個垃圾桶, 係最近我先開返.

加油吧, 新手們, 你地唔係自己一個人練功的, 我願意幫助你們, Game 裡面搵我啦 ~

分享0 收藏0 1 0

Alta Multimedia - OnlineGames：http://www.alta.hk

舉報

aesopf72197

三級英雄會員

Rank: 3 Rank: 3

帖子: 109
EXP: 290 點
金幣: 324 個
好友: 3
註冊時間: 2011-12-19

2樓

發表於 2012-6-1 02:01:37 |只看該作者

support u 呀~ ^^
我都玩左好多年, 係開頭一班friends 一齊開族玩一齊先有心機, 但之後班friends 走曬, 得返自己同埋d分身係個族入面, 都幾lonely..
雖然仲好喜歡童話, 但由於一直都hea住玩, 所以雖然玩左咁多年但都唔係勁= =||| (汗)
遲d 係game入面add 你吹下水丫^^

舉報

o乂o