《童話輕小說》神秘之力

一鍵黎明

伺服器：月費版
角色名稱：一鍵留名

　　我叫一鍵留名，大家都叫我一鍵。司職光使。我先講解一下依家既童話世界。

　　系好耐好耐之前，有兩個平衡世界，分別係「灰姑娘」同「睡美人」。系好多年之後，童話世界開始劇變，兩個世界合二為一，稱之為「快樂王子」。兩個世界除左合併左之外，仲有好多細節都改變左，例如武器既耐用度加快消耗、我地既出招速度受到氣侯影響、出現次元要塞等等。但係近年，童話世界突然發生地震，天崩地裂，唔少人都系呢件事中罹難，我就係其中一個。死左既人去左邊？去左一個新既世界。

　　呢個世界因為係全新，所有人有既財產，實力全部都由頭開始，所以有人叫呢個世界做「灰姑娘」，同好耐之前既童話世界一樣。但係好多人都因為呢個名而嘈，呢個世界唔配叫做「灰姑娘」世界，雖然一切都係重新開始，但係世界既設定同「快樂王子」世界一樣，而大家都開始對叫呢個世界做「灰姑娘」既人投訴。呢個就係依家既童話世界。

　　系呢個所謂既「灰姑娘」世界度，所有人都係一樣，一齊升Ｌｖ，一齊打王，所有人都好開心。但係最近，我同我啲朋友都發現，有唔少人都唔知點解消失左。經過我既深入調查，我發現好多人都受到人種神秘既力量影響，走火入魔咁。以下就係其中一個例子：



　　有啲人會跟住同一個軌道咁行，有啲暗使會不停系原地用「黑暗儀式」。我拍下佢地，叫佢，佢地一係就冇反應，一係就不停重覆。但係，我又見過有一次佢地突然間冇事，話自己冇事，再問落去就鬧你。最奇怪既係，我發現受呢種力量影響既，通常都係修士系。我身邊都曾經有朋友係咁，我知道之後，都好快離開左佢。大佬，點知佢會唔會一個火流、一個黑洞車埋黎，走都走唔切啦下話。

　　順帶一提，我既光系魔法使用得非常純熟，好少人及得上我。但係系呢股神秘力量出現之後，好似我呢種企系高峰既人慢慢比人比下去，好多人都超越左我。佢地曾經消失過，但係好快又出現番。有好多高手都因為睇唔過眼，意志消沉，去左自殺。呢一種神秘力量真係害人不淺。

　　「你有呢種力量咪唔怕囉……」「邊個？」「你想唔想重新企系頂峰？」「收聲！」「你需要呢種力量既時侯黎搵我……」呢個係我一次聽倒神秘力量既聲音既經驗。為左更了解呢種力量，我決定問我既朋友。

　　「喂，阿蛇，你最近勁左禁多既？」「係呀一鍵，咪話我唔醒你喇，最近我突然間有一種神秘力量上左身咁，要打怪，要練元控，完全唔洗用力。有時訓個教，一起番身勁左唔少呀。喂，一句到尾，要定唔要？」「禁把炮？自動練技？」「係呀，冇昆你。」「唉，算啦，我都係堅持要用自己既力量練技升Ｌｖ，咁先最有成功感。」「一鍵，真心講句丫，出面有邊個唔係靠呢種力量先禁勁？用啦！」「算啦，當我冇搵過你。」之後我就走左。

　　自動練技升Ｌｖ……真係好吸引。但係呢種力量真係害人不淺！我決定寫信比天神既秘書！我將條片ｓａｖｅ左入張ｓｄ卡度，飛鴿傳書比佢。但係，過左好多好多個月，都仲係未有回音。過左禁耐，原來有一班人同我一樣都係一樣，收唔倒回音，打算要聲討ＧＭ。突然間，系我地商議緊既同時，有個乞丐咁款既人企左系度，講左句：「算把啦，冇用架。」「乞丐，你邊位呀？」「咪叫我乞丐，我姓伍，叫我伍公子。」「超，得啦，即係伍乞丐，你有咩想講呀？」「話左咪叫我乞丐。如果你想知道啲內情既話，比８００可因我買個ＨＥＡＤＰＨＯＮＥ整幻獸配件啦。」我心諗，乜有個幻獸配件係ＨＥＡＤＰＨＯＮＥ黎架咩？算數，８００可因當跌落咸水海。「１０００可因唔洗找喇，講啦。」「呢位兄台真係闊佬……咳咳。好啦好啦，話說我之前系地下室度乞緊食，我見倒有個暗使不停系原地用黑暗儀式，引倒隻怪出黎之後不停用夢魘咒，冇晒ＭＰ就打死隻怪佢，之後祈禱，不斷重覆呢三個步驟。」「呀乞丐，你係咪玩野呀？有邊個唔係咁樣練技呀？」「後生仔唔洗禁心急。我呢個時候就叫佢，靚仔，比少少可因我丫，我要買ＨＥＡＤＰＨＯＮＥ……之後佢又唔應喎。我就扯火喇，唔比咪唔比囉，唔洗懶ＣＯＯＬ咁呀？之後我集中精神，使出戰意，再一招破空拳打埋去！唔係講笑，嗰下真係好猛，一拳打到佢翻醫院。」「你搞出人命喇死乞丐。」「大佬，我點知佢會冇反應連擋都唔擋咩。好彩佢翻醫院姐。但係最奇怪既係當佢比人救翻醒之後，竟然不停系醫院度用黑暗儀式喎，醫院又召喚唔倒怪，自己用晒啲ＭＰ。見佢禁奇怪，我決定拎ＣＡＭ影佢，擺佢上ＹＯＵＴＵＢＥ。」「咁之後呢？」「過左幾日，我又系地下室見倒佢喎！今次用既唔係夢魘咒，而係更高階既暗影纏身。正當我諗住唔理佢，走佬之際，突然間有個鐘系佢頭頂度出現喎！真係嚇死本公子。我一睇，有６０秒系度倒數緊。當６０秒數完之後，佢消失左！」「傻仔，有一招叫混沌之門架。」「唔係！你當公子我係邊個？真正既混沌之門邊係咁既樣？佢係完全冇先兆咁消失左呀！我驚得滯，我即刻拎起我部電話，打比天神個秘書同佢地匯報。佢地聽倒之後就話：唔洗驚，頭先天神捉緊人。我心諗：咁都好啲，呢啲禁神化既人唔捉唔得。但係過左一個禮拜，條友又出現番喇！」「天神真係做ＳＨＯＷ咁做，話捉就捉話放就放，點對得住我地呀？」「所以我先話冇用囉。」

　　聽倒伍乞丐既經驗，我地都心灰意冷。啲人都話：「唉，旨意佢真係蚊都訓。算啦，系呢個咁既世界度，生存又有咩意義？」之後個個都拎起把刀，我即刻大叫：「冷靜呀！」佢地個個都即刻停低，全部人走晒去金銀城留言板寫遺言。我一睇，個個都係寫：從來無人明白我，唯一你給我好日子。有你有我有情有天有海有地。走先喇各位！我心諗，劉華咩家陣，之後一轉個身，全部都死晒！

　　望住呢個死城，我都已經心灰意冷。家族既人，身邊既朋友，都已經一個個咁離開。雖然仲有好多人未放棄，但係我地已經力不從心。如果，天神再唔封鎖呢股之秘之力，成個童話世界就會因為你而消失。邊個黎拯救呢個童話世界呀？

完

cin0308

灰姑娘->睡美人->美人魚
合併白雪公主/醜小鴨
之後好似先到快樂王子

一鍵黎明

cin0308 發表於 2013-4-4 23:00
灰姑娘->睡美人->美人魚
合併白雪公主/醜小鴨
之後好似先到快樂王子

sosad唔係老玩家 唔改喇 懶

klaus

呢d都要抽伍公子水

jelly

曾經仲有一個SER叫國王新衣