百物騰貴，幣值失控，GM視若無睹？新手的你該知的事

Asakura

沒耐性的請拉到最底看結論或按Backspace
若果你是新手或考慮加入FFO的玩家，請你看完此帖後三思，以免後悔

合服以來幣值一直插水，合服當晚商城貨品兌率還是1:3.X，短短兩週已經升至高於1:6.5
原因其一當然是流通的貨幣太多
貨幣太多？WHY？？

要多得上圖中的"玩家"不眠不休印銀紙（攝於聖城門外）

遊戲幣有供因為有求，全日都能看到工作室的機械人在交易頻、聖城、甚至世界頻賣金
我們來看看Alta對用真錢交易一事的立場


在遊戲中以現實生活的金錢做買賣
罰則為帳號停權三至七天

既然官方有明文規定不容許真金白銀作交易，GM應該有抓這些賣家的權利吧
那為何工作室的機械人從未曾停止過叫賣？

下面讓我們看看遊戲幣值插水的情況

2014年1月9日　賣方=H_M
HKD 55 = 1000金


2014年1月9日（稍後時間）　賣方=H_M
HKD 54 = 1000金


2014年1月17日　賣方=玩家
HKD 50 = 1000金


2014年1月17日（稍後時間）　賣方=玩家
HKD 45 = 1000金


2014年1月19日　賣方=H_M
HKD 45 = 1000金



作為一個只買點不買幣的玩家，我已經心灰意冷
靠打寶維生根本不著邊際
靠賣點數嗎？明天、後天的兌率一定比現在高，我為甚麼要入點、賣點？

現在的情況是－－
1。只有商城貨物保值
2。物品升值速度異常，身上的G放著不用會愈變愈窮
3。不買幣、賣點的新手不可能追得上消費水平

結論
工作室低價放幣除了因供求問題使然，亦帶出了連外-掛也已無心在此遊戲長駐
如果遊戲環境良好，工作室不會殺雞取卵
看準官方會坐視不理以及傳奇本年度將有兩款新遊戲推出，幣商瘋狂拋售遊戲幣
台灣合服時巴_姆特亦出現大量討論以上現象的帖子
香港不論玩家還是外-掛都唯台版馬首是膽，會出現相近情況並不令人驚奇
叫人失望的是，直至現在官方未曾有過動作去糾正遊戲生態、保障玩家權益
請官方正視幣值失控、流通貨幣不尋常地增長的問題




最後附上幻想神域遊戲截圖1923年德國面對貨幣貶值時孩子用紙幣堆積木的照片
請以史為鑑，謝謝






等了天使背很久終於重推，但我不會再買點數，靜看FFO能撐到甚麼時候吧

IamAzYui

所以以家市價唔知點，係咁升！
我玩左4個幾月都無買點，自己靠自己搵錢
被幣商/外掛全面提高哂D價

大家FFO玩家無人發覺合左Ser後市價，物價差別好大？

zzxxbboo

搵錢搵到想死
本人無買過點

dizidizi511

提淽

短短幾個月隻GAME點品已經拍得住我之前玩果隻=  =

可儿喵喵-3-

根本已經係現實同GAME都一齊通脹啦......

kanwing

讚成

keilai

事實的確係好似樓主你咁講，外掛既印銀紙係冇間斷過，而工作室更不眠不休咁掛機，搞到物價高漲咁...

但我覺得你講得嚴重左，講到好似FFO已經唔適合人玩落下咁，而係咪真係好似你講到咁...官方真係視若無睹?上星期果成差唔多4000個ACC真係代表官方冇打擊過外掛同工作室?呢D玩家...係比官方呃左架?

而早前係遊戲入面...個劍盾高手比GM凍左...唔通又真係代表官方只凍工作室，有比錢既玩家就冇事?

唔通版主講既野...係冇道理...吹出黎?只係講完就算...純粹腦作?



唔係想同你吵...因為我同你一樣...唔係..係同好多玩家一樣，都想FFO既遊戲環境可以改善，希望官方做到野...
另一個角度...外掛賣幣緊係應該要落地獄，永不超生加千刀萬刃，但幫佢地買既玩家，助長佢地既人...係咪應該更加抵死?佢地係幫兇!

我利申，我唔係完全企官方果邊，只GAME既機制的確有問題，帳號好易申請，大家有睇版主講既野都知道...捉一個人，唔係話捉就捉...又要做什麼搜證又性，總知唔係有人舉報就凍得咁，但開個ACC就好易!!易到冇驗證，話開就開...都係既,玩GAME JA...太難開ACC我都覺得冇癮，但好明顯正正因為咁...GM凍4000個...外掛開8000個都得...直頭ON X!

但係，係咪因為咁..就唔值我去玩?就好似香港既三X會從沒消失過...係咪代表治安差到我唔應該再出街?

係咪好多大陸人黎香港乜都搶(X!金莎都就黎冇得買)...係咪就一定要移民?

事實上，我玩左十年以上ONLINE GAME...其實又只只都係咁...我都覺得...唉...唔係D人想比人走得更前...跑得更遠...貪方便同要虛榮,好好地一個GAME又點會變成咁呢?
連PND都要用外掛幫手轉...果D玩家真係唔知點形容佢...

最後一句...玩GAME...我就為左開心...用外掛既等比天收...係呢到破壞大家鐘意既遊戲...小心收尾果等年

jimmyswk

轉玩聖境算

cskm2005

jimmyswk 發表於 2014-1-25 01:37
轉玩聖境算

係咪有同類架?
好似邊到見過有同類既港版咁....

BTW:等時聖境都咁.

你係乜水

e加買乜都咁貴
唉

cash648548

真係貴得好恐怖...多得合服唔少..

CHO_hyun弦

cskm2005 發表於 2014-1-25 02:00
係咪有同類架?
好似邊到見過有同類既港版咁....

夢之傳說 同 聖境傳說...係咪一樣架

Asakura

keilai 發表於 2014-1-25 01:37
事實的確係好似樓主你咁講，外掛既印銀紙係冇間斷過，而工作室更不眠不休咁掛機，搞到物價高漲咁...

但我 ...

張封鎖ac list琴晚有納過下眼，見到唔少重覆既名，足唔足4k個不得而知，不過數字都唔重要

GM有捉外-掛無容置疑，奈何事實係成效不彰
消費者有權利爭取權益得到保障
我體諒同了解官方有佢地自己既難處，但唔希望因同情佢地辛勞而對情況妥協
視若無睹－－唔單指行尼行去既外掛，仲有叫賣既機械人；同埋與你所講，買幣既玩家

街度有X合會我同你當然都會出街，因為無得揀，大家唔可以打開門teleport去第個城市
但online game選擇眾多，值唔值得玩落去就多左可考慮既要素
玩得個遊戲當然想個環境好、長長久久，呢個亦係我開post原因
你玩online game年資豐富，比我更了解一隻game究竟仲有無潛力持續做落去，FFO而家既情況唔洗多晒口水解釋
你亦講得岩，我覺得已經玩唔到落去，或者呢個只係我同一小部份人既感受
至於值唔值呢...我依然觀察緊，但短期內一定唔會入點

愛之深，責之切
多謝各位發表意見
希望官方會見到我地既聲音同需求，響不停追加semi-finished既新要素之前，先fix好遊戲個生態

Asakura

CHO_hyun弦 發表於 2014-1-25 13:30
夢之傳說 同 聖境傳說...係咪一樣架

係
GC夢之傳說1月10號停止營運，ALTA接手

cskm2005

Asakura 發表於 2014-1-25 15:52
係
GC夢之傳說1月10號停止營運，ALTA接手

......一樣樣..改個名咋喎....人地執咗都照用?

sitchunhe

tsts1021

大家講黎都哂氣吧...雖然可以吐吐苦水!!

但係講咁耐之D POST都有講類似既文章!!

但係最少連個版主都冇入過講下..咁既環境會點做!!

佢地(官方)理你都傻..呢隻死左咪下隻囉(問題解決了)!!

維他豆奶

台服外掛走得7788
港服很快也會走光光了
傳奇砍了賺錢的方法渠道...

colourp

cskm2005 發表於 2014-1-25 20:05
......一樣樣..改個名咋喎....人地執咗都照用?

所以ALTA改返同台服名一樣 聖境傳說 呢隻又係玩唔耐了
雖然2款都係日系GAME
BUT~2款時代都唔同 製作都唔同 當然 最緊要畫面都差好多