[轉貼]靚眼4法

lamxdxd

靚眼法1   手指按摩去水腫
呢個係4大靚眼法最方便既1個，因為咩材料都唔使預備，只需要用1隻手指咁多。早晚做1至2次，有助改善血液循環同減低水腫架！
Step1: 閉目，將食指放響眼頭，輕輕壓住5秒。
Step2: 再將食指放響眼蓋既中間，同樣輕輕壓住5秒，記住唔好太大力，好易整傷架！
Step3: 最後輕壓眉毛末端位置約10秒，然後慢慢放開手指就OK架喇！

靚眼法2   馬蹄粒消眼瘀
用食物黎做eye mark最好，成分100%天然又唔怕敏感，而且仲好經濟實惠添！
馬蹄含豐富澱粉質、鐵質同登白質，呢D成分都係有助去瘀架，用佢黎做eye mask最岩！
Step1: 先將切左粒既馬蹄平放響化妝棉上面。
Step2: 慢慢咁將鋪滿馬蹄粒既化妝棉敷上眼，約5分鐘後用水清洗乾淨就完成架喇！

靚眼法3   蘋果片最美白
係人都知檸檬含豐富既維他命C，講美白冇理由少佢果份。但講到去黑眼圈就咪搞喇，亂咁放片檸檬上眼分分鐘[也母]盲你呀！
要以維他命C去黑眼圈，必揀溫和好多既蘋果。由於蘋果同樣含有豐富既維他命C，有效增強皮膚既更生能力之餘，仲可以幫助美白。所謂「一日一蘋果，黑眼圈遠離我」，方法好easy，只要將蘋果切片再敷上眼，約5分鐘後用水清洗就搞掂，敷完黑眼圈就會明顯淡左架！

靚眼法4   蜜糖促新陳代謝

蜜糖用黎護唇就話得姐，原來都可以當eye mask用架！
由於蜜糖含有豐富既胺基酸，可以幫助美白同加促新陳代謝，令眼袋同黑眼圈好快消失架！
Step1: 將適量既蜜糖倒響化妝棉上面。
Step2: 輕輕敷上眼，約5-10分鐘後用水清洗乾淨就得！