飼養陸寄居蟹熱潮,是好是壞!?

lamxdxd

自從上月中係魚街買左1隻陸寄居蟹...我就日日都去睇佢,
我養緊既陸寄居蟹應該係橙紅陸的...據說係第2難養既品種
對住依隻蟹蟹...蠻開心的,而且好似同家人既關係都密切左!?
不過,香港近排興起飼養陸寄居蟹,不斷標榜大量&容易飼養,販賣彩繪螺殼,
將佢地當做玩具,隱瞞橙紅可能會退色的事實,以郵寄形式販賣活體,賣又貴又唔合格既飼養缸...
令到好多人都為左「追上潮流」而養陸寄居蟹,但事實上..陸寄居蟹真係比養淡水熱帶魚,金魚容易!?
其實照顧寄居蟹有好多野要注意,特別係脫皮時,只要受到干擾都會令佢地停止脫皮,然後死亡...
聲稱比椰子水佢地浸/飲用可以令寄居蟹放鬆情緒,真係可以!!?定係想呃人錢??
陸寄居蟹就算係飲海水d海水都應該唔會有椰子味咁奇怪吧,如果真係咁的話,生活在野外既陸寄居蟹咪好大壓力!?同埋我覺得應該會幾惹昆虫...所以冇買(幸好我在魚街買的..而唔係係寵物店買)
以下內容轉自某壇的回覆 :

真係嫁@@!!:boxing:個日我去左Q-pet 買寄居蟹,買左佢之後,個D職員又話要買咩咩食糧,又要買爆谷,又話一定要買啫你,話啫你係""""必需品""""!勁煩lo- -''佢地係咁煩住我,,又話咩咩如果我吾買Ge話咁我d蟹蟹仔就會死-3-!係到嚇我,咁我費事煩未將所有關於蟹蟹ge野都買曬lo-]]好釆我買蟹蟹前幾日我老豆比左$500我洗姐^^吾係我真係周身煩-口-''

而且陸寄居蟹,我覺得根本唔洗d乜野專用食糧,而且餵爆谷..會唔會甜得滯?之前我睇過資料,陸寄居蟹係十分喜愛蘋果的...有乜理由蘋果唔餵係要餵爆谷!? (印象中某公司,唔知係咪『蟹x屋』有推出寄居蟹專用爆谷)
仲有一樣比較好笑既地方係,我拎過「蟹x屋」既傳單去睇,有2隻寄居蟹講「我來自"日本"」,「我來自"韓國"」,之前我睇過資料,印象中日本對陸寄居蟹係有捕獲限制的,又點會有咁多來自日本既陸寄居蟹出售!?
彩繪螺殼雖然比較靚/可愛,但對陸寄居蟹都有毒性,而且仲有業者親口承認果d顏料係有小小毒性的..仲鼓勵小朋友畫,乜道理?有小小毒性都算有對陸寄居蟹有毒吧,唔通「小小毒性」就唔叫有毒!?
不過我諗彩繪螺殼係其中一個吸引人養既原因...其實比彩繪螺殼佢地背,已經係將佢地當成玩具了...
我真係完全唔覺背左彩繪螺殼既寄居蟹有幾可愛,反而係一個可悲既情境..
以下內容轉自某blog

業者親口承認彩繪螺殼是有毒性
業者一邊拿著空螺殼也畫圖, 一邊說著彩繪螺殼是有小小毒性.
小小也即是有毒吧. 還要給陸寄居蟹使用嗎? 還鼓勵小朋友來畫畫.
http://hk.youtube.com/watch?v=7kgHYlAGhds
彩繪螺殼是有小小毒性, 所以油不要畫在殼內, 但殼外便可, 甚麼道理

業者不斷用錯誤手法去教人養寄居蟹,死左一隻後,又到店舖買1隻寄居蟹..得益既最終都係業者,受害既係陸寄居蟹............
套缸對大家來講可能比較方便..但其實套缸比起自己去魚街執料仲貴的,之前我係網上問過「藝x蟹」既套餐..d人都話貴,去魚街執100蚊都唔洗..事實上去魚街執真係平好多!我個烏龜箱,藏身之所,蟹蟹,沙...加埋都唔洗100蚊(因為食水盤,鹹水盤,食物兜屋企本身都有)..依點都證明左套缸係貴好多的(藝x蟹的套缸印象中平既都要13x蚊)..

希望寄居蟹熱潮可以快點減退吧,仲有養大個體唔係一件好事,反而係一件壞事
因為大個體已在野外生活多年,好難適應人工飼養既環境...
另外養寵物前一定要停一停,諗一諗,做好資料搜集先好養寄居蟹..否則蟹死掉唔係佢自然死,而係主人將佢殺掉......
但無論寄居蟹既熱潮點都好...無名小蟹我都會好好照顧你的,給你一個5星級的家(有點賣廣告既感覺..)



另外有個網我都好推薦的...我係依個網學識左好多野...
http://www.tonycoenobita.com/index.html

[ 本帖最後由 lamxdxd 於 2008-12-4 23:35 編輯 ]

lamxdxd

原帖由 長風傲天 於 2008-12-5 22:52 發表
皮?
咩樣嫁?
比張相黎睇下@w@
好想睇呀?
硬定軟嫁?

皮=佢隻蟹個身體果怎物質
普通蟹既皮都係硬吧!!!唔通寄居蟹會係軟皮!?
仲有我冇相比到你睇..係咁多..而且,就算有相比你睇,都唔夠睇真實既好...
因為每隻品種既寄居蟹都唔同..

[ 本帖最後由 lamxdxd 於 2008-12-6 01:17 編輯 ]

長風傲天

皮?
咩樣嫁?
比張相黎睇下@w@
好想睇呀?
硬定軟嫁?

lamxdxd

原帖由 武鬥之神 於 2008-12-5 22:30 發表
ｌａｍ．．．你戈ｄ叫葡萄，提子係綠色架

ｐｓ：你隻蟹會生番隻腳架，不過係時間問題，就睇你可吾可以照顧到隻蟹生番隻腳ｌａ

差唔多..但叫慣做「提子」
佢係脫皮後隻腳應該會生返出黎..
但我對脫皮完全冇認識...所以隻蟹一脫皮我就會一碌木咁棟響度

武鬥之神

ｌａｍ．．．你戈ｄ叫葡萄，提子係綠色架

ｐｓ：你隻蟹會生番隻腳架，不過係時間問題，就睇你可吾可以照顧到隻蟹生番隻腳ｌａ

lamxdxd

原帖由 涅赤鬼 於 2008-12-5 22:04 發表
你隻蟹好得意=口=

有幾得意=0=?
不過...依隻蟹其實係有小小缺陷(冇左 右邊隻螯腳)
而且..食量都好細下,我餵d乜野佢都係食幾口就唔食...
但係隻蟹都好似幾驚人...有次隻蟹食緊野
屋企某位人兄8掛走去睇...結果隻蟹即刻退後..之後去到角落頭就即刻縮返入去...
同埋發覺佢都幾鍾意食冇去皮既提子的(紅色圓圓地果隻),同埋麵包
因為放完食物冇耐之後隻蟹就即刻爬去食物兜度食野...
但係寄居蟹又真係幾麻煩下...比養魚仲麻煩=0=
所以養之前都要諗下先..而且就算養都唔好簡大個體,適應力比較弱..

涅赤鬼

你隻蟹好得意=口=

俠客

咁你試下系天女打橫行-,-
我第一個打你@@

長風傲天

我係蟹咩==
我最多打橫黎行炸喎--

lamxdxd

原帖由 武鬥之神 於 2008-12-5 20:47 發表
其實放生既話d蟹好時適應吾到環境既變化而死亡架(天不怕除外,應該人道毀滅xd)

不過,如果唔係唔小心買左大個體既話通常都唔洗放生...
不過天不怕...我就真係養唔到佢
所以將佢放生好d

武鬥之神

其實放生既話d蟹好時適應吾到環境既變化而死亡架(天不怕除外,應該人道毀滅xd)

lamxdxd

原帖由 長風傲天 於 2008-12-5 19:20 發表
做你隻蟹都幾好==

有幾好=0=?
不過我提過果堆野都係養寄居蟹既基本設備...

原帖由 武鬥之神 於 2008-12-5 19:26 發表
咁你快d去做la:yeah:

如果佢真係做左我隻蟹我真係冇地方放咁大個缸...只好放生

武鬥之神

咁你快d去做la:yeah:

長風傲天

做你隻蟹都幾好==

lamxdxd

原帖由 武鬥之神 於 2008-12-5 18:19 發表
久吾久d蟹自己會搬"殼"?:em800_08:

我諗應該係隻蟹脫完皮,大左..個殼唔岩用就會搵個新螺殼去背...
如果佢背緊果個螺殼太細你都可以放d比個舊螺殼大d既空螺殼落去
但要切記絕對唔好用彩繪螺殼...d顏料對寄居蟹有毒的..(雖然「蟹x屋」口講就話冇毒,但我都唔信)
依加「蟹x屋」同「藝x蟹」賣d寄居蟹都有好多係背彩繪螺殼..原本想係果2間既是但一間買
但見到佢地背住d螺殼係彩繪螺殼都買唔落手...
仲有買左新螺殼返黎要洗洗佢先..因為我係網上見到有d有賣寄居蟹既舖頭都有賣螺殼,
但一洗就聞到有異味..之後原來入面係有寄居蟹既屍體...所以一定要洗,最好用滾水煮煮佢..

原帖由 長風傲天 於 2008-12-5 18:20 發表
佢會長大之後舊殼唔岩用就換嫁啦==

嗯-0-
p.s聽日去買個新缸比隻蟹..買埋沙,溫度計,濕度計,蟹屋,流木,空螺殼,假椰子樹比隻蟹@v@
期待~~~~~

長風傲天

佢會長大之後舊殼唔岩用就換嫁啦==

武鬥之神

久吾久d蟹自己會搬"殼"?:em800_08:

lamxdxd

原帖由 武鬥之神 於 2008-12-4 23:50 發表
殼吾係買蟹戈陣就有埋既咩?:em800_08:

殼..隻蟹本身係會背住一個殼
但係缸內都要放幾個空螺殼比佢....(比個體大小小都應該得)

武鬥之神

殼吾係買蟹戈陣就有埋既咩?:em800_08:

lamxdxd

原帖由 長風傲天 於 2008-12-4 23:39 發表
養大名盾蟹最好呀!(打魔物獵人上左腦==)

game中既蟹=0=?
我鍾意玩真野的...其實唔提起隻蟹,我都幾乎忘記左星期6要去魚街買包沙比佢...

原帖由 武鬥之神 於 2008-12-4 23:41 發表
我都想養番隻架:em800_35: 其實我覺得吾洗又要買咩丫戈ｄ既，只比適當既環境比ｄ蟹就ｏｋ架ｌａ:em800_02:

其實最方便係搵雞粉罐果d膠蓋去做食物兜
然後搵個膠盤裁(應該冇打錯)介開1半,放入去...就變洞穴
之後只要買流木,空螺殼,沙,化學鹽,蟹,飼養缸...都ko

[ 本帖最後由 lamxdxd 於 2008-12-4 23:46 編輯 ]