90橙裝閒談(已換裝)

lazuritelong

大家好，我係竹木。剛剛換完90套裝，宜家立即送上機體圖:



上圖為冷機狀態，料理有食左迷幻天堂，黃金拿鐵，肉粽霸主同1傷1血寵物
由於裝備都係剛剛整好，附魔卡都未跟到足，所以穿透只有28
期待換完全部80中階附魔後既表現


以下我簡單咁講下自己對90橙套裝既睇法~
因為本人一直都係玩打手職業，所以今次就主要講下打手果兩套:

就上身打手套而言，我選擇左焚夜套。
基本上焚夜套係天讉套既強化版，選擇焚夜上身係比較保險既做法
魔裂上身套提供左大量爆擊值，不論強化加成或者係套裝加成
但就比焚夜上身套少左四造傷...
同埋由於初期90材料物價太高，而80材料時間蟲絲又因為即將開放既更新而漲價
所以先整較為保險既焚夜上身體驗下90套，遲下物價有下跌再嘗試下魔裂上身

至於一直爭議較大既下身打手套，我最後選擇左魔裂下身。
其實一更新完果日，我已經分別集齊左下身果兩套打手套裝既圖紙
但就猶豫左兩三日至決定左魔裂套，本人主要考慮到三個因素:
1)新出副本都加入左減玩家能力的狀態，恐怕日後會有更嚴重的屬性打壓導致爆率不足
2)用魔裂套增加既爆擊值同爆率可以令本人冒險之路內原本點左爆率既點數得以釋出
3)焚夜下身套強化加成實用性不如魔裂套實在

所以，最後本人都係選擇左魔裂深淵下身套，但並不代表焚夜下身套唔好用
兩套打手下身套裝都有佢存在既價值。

----------------------------------------------------------------------------------------------------------------------------------------------

簡單咁講完本人對90套裝既取向，宜家分享下用過90套裝既感想。
由於本人冇咩固定團，亦都冇咩人同我刷副本，所以都係單刷/二人行居多
換完90套後既第一場副，就真係感受到明顯既爽快感同舒適感
而最大分別係打時間書庫，由以前白字同爆擊夾雜既情況
到宜家打王幾乎全部都係爆擊，就連通關時間都大大縮減!

題外話:
係咪一定要更換90裝先至可以繼續玩落去?我就認為一定唔係。
未來更新將會開放金神域點數換領80套裝圖，而我認為80天譴套係一套絕對強力既套裝
所以各位新手，或者係剛剛回流既老手們，幻想神域其實係一隻非常人性化既遊戲
每個人都有機會提升，每個人都有能力去挑戰唔同既副本
所以請你地繼續留守係幻想神域...

Eva

3)焚夜下身套強化加成實用性不如焚夜套實在
-
下狙緊 想轉 唔想整下天 等90圖跌算

lazuritelong

Eva 發表於 2016-6-9 16:40
3)焚夜下身套強化加成實用性不如焚夜套實在
-
下狙緊 想轉 唔想整下天 等90圖跌算 ...

打打下果陣已經十分混亂，已改正，多謝!
其實下狙除左數值上比天下身差左少少外都，其他都十分唔錯

Eva

lazuritelong 發表於 2016-6-9 17:00
打打下果陣已經十分混亂，已改正，多謝!
其實下狙除左數值上比天下身差左少少外都，其他都十分 ...

深淵下真係好多爆 可以選擇好多其他野
你當我錢多身痕

索菈米杜嘉

其實好容易理解 除左上半身差距比較明顯之外 下半身魔裂比焚夜僅僅少2造同20王爆，但係提供嘅爆率對付精英怪同普通怪身上分分鐘更有優勢，並且可以更加輕鬆甘應對屬性壓制，至於王爆，其實應該按職業睇，某些職業爆傷得300左右，呢種時候魔裂下就有好大價值，但係如果類似杖呢類高爆傷職業，係強化不足嘅情況下，焚夜會更加好。

阿素

爆傷其實必要時附魔用返王爆....係大部份職都夠既...要350/400果D我唔知LA...

順帶一提留意下沖+30係唔同,

另外請考慮未來會出的天塔和副本, 不要只考慮一時.`

白雪限定

前提係要有90LV