如果我是 GM

steven88hk

童話, 我已經玩左成 10 年 ... (咪吹水啦, 童話剛剛先 9 周年, 邊來 10 年啊 ?)

點解 10 年 ? 係因為童話一出時, 我已經玩緊台灣個 Server ... 玩左成年, 先出香港 Server ... 之後台灣開始收錢, 香港買唔到台灣點數卡(果時冇而家咁方便)之後拉大隊轉玩香港 Server ...

果時基本上咩包我都有買, 而我個帳號係 aesopa 開頭, 可想而知, 我基本上係第一批玩家 (以前童話未開放公開申請, 要買新手包先有帳號, 而帳號就 aesopa, 到 aesopz 咁排落去 ... 之後第二批就 climba 到 climbz 咁排 ...)

好, 廢話唔講咁多, 我以一個老手身份, 教 GM 點搞好童話.

話說, 童話台灣果邊已經講過, 唔再開發, 即係唔會有新資料片, 唔會再有新職業, 唔會有三轉等等 ...

所以, 我而家的建議, 係在現有基礎上, 增加童話的 "可玩性" ...

1. 首先, 23 層已經打到冇野好打, 悶到嘔泡啦, 點加強 ? GM, 其實你地可唔可以考慮下, 加 D 新意 ?

例如 : 23 層開完箱之後咪有好多圍欄, 圍住 D 寵物啊, 人啊之類的 ? 你將佢地改為 "可觸發戰鬥模式" ... 一 click 佢地就可以打, 而且係類似最後女巫個 LV, 帶兩個寵物, 咁女巫係冰火, 佢咪光暗囉. 為左加大難度, 呢個唔可以係組隊情況下觸發, 即係一定要自己一個人單挑 ! 而最後, 獎品了喔, 分三個(而家一個欄裡面已經有三個人), 三個都打贏的話, 會自動傳返去開多次箱, 但是箱裡面的禮物加入"奧秘, 開水, 雞精, 蔘湯", 開完箱咪直接傳佢出洞口(即每人只可以打一次, 打第二次 ? 麻煩行多次 23 ...). 咁咪好玩好多囉 ! ~ 而且單挑女巫, 唔係一件容易的事, 相信全 Server 冇咩幾個人可以做到, 而且係好講技巧同運氣(如果一開始隻火智死左, 咁你就玩完啦 ... ) 如果個人逃跑的話, 就自動傳去洞口, 唔好比人走. 咁係咪好刺激好有挑戰性呢 ? 話唔定可以引發新一輪升 LV 潮 ...



2. 第二,  金銀城保衛大隊長收埋去啦, 每次打扣 1, D 玩家好灰架 ..

取而代之係打影子 : 一定要兩個結左婚的 AC 進去(好多人結婚都係練一個唔練一個, 結婚係方便升 lv 飛過來, 而家唔得啦 ... 要兩個都要練 ...) .. 兩個人進入後就打自己的影子, 個人幾多敏, 對手就幾多敏; 個人幾多血, 對手就幾多血; 個人幾多傷, 對手就幾多傷; 個人幾多防, 對手就幾多防; 個人有咩技, 對手就有咩技 ... (咁設定的話, 要有一定的打法同技巧 : 分子武器可以收埋去啦, 一定要用 D 垃圾武器打, 唔係的話, 對方打你都好甘 ... 之後帶定 D 加速劑,大力丸[被喻為最冇用藥物, 而家有用啦] 之類去打 ... 之後, 就係考大家對該角色的熟悉程度啦 ... )第一 Round, 打兩個, 打贏左可以去第二 Round, 打四個, 之後 六個, 之後 八個 .... 一直去到第五 Round ... 之後大獎就係而家討伐戰獎品 ... 而且時間限制應該有, 不過唔應該太緊逼, 5 Round 大概比 30 ~ 40 分鐘時間打就夠 ... 咁, 咪好玩過你個扣 1 的討伐大隊長 ...
(點解要兩個人, 唔要一個人? 試想下, 如果一個斧戰, 1 on 1, 係咁出急電, 咁大家可以唔洗玩, 要最少兩個, 2 on 2 大家互補先公平)
(點解要限時 ? 咁如果兩個光師, 走入去, 大家鬥補血, 打又打唔死, 入去掛技, 咁咪唔好囉 ...)

跟住仲有好多, 今晚打埋去 ...

其實, 呢 D 係在現有基礎上 GM 可以做到的 ... 有問題, 不防可以問下我 ...

kitkit001

我覺得打影呢個唔錯喎，不過你都係去返集中POSE好D

cin940308

aesopi開頭的玩家路過
樓主說的很好可是這版有專帖……

http://www.agames.hk/forum.php?m ... mp;extra=#pid641946

steven88hk

3. 第三, 加入副本系統

係, 冇錯, 副本系統唔係想像中咁複雜 ... 簡單 D, 整個 NPC, 一隊人(一定係一隊, 唔係冇意思), 一 click 就傳去打保衛戰個 map, 之後就係呢一隊人打保衛戰, 係, 就係一隊 only ... 保衛戰 lv 以隊中最高 lv 來定 ... 打贏左, 最後就出個王, 其實就係而家保衛戰個大隊長, 不過係 10 個大隊長 ... 打贏咪隨機跌 D 獎品出來囉 ~ 咁呢個 "副本" 初期就可以分 吉恩村副本, 彩虹城副本 等等 6 個 ... 如果反應好, 就開埋龍 3 副本(高難度, 全部都係打大隊長 ... ) 加個 NPC 之嗎 ... 有幾難 ? Right ?

4. 第四, 100 lv 轉生優惠 ...

當人物去到一個 lv , 唔一定 100 lv, 官方考慮啦 ... 轉生後可選擇在眾多職業中選一項一轉技學習. 即戰士可以選大地/補血/加功等等, 修士可以學戰士技巧等等 ... 不過只限一轉技 ... 每轉一次, 可以學一項 ... 咁咪更多誘因吸引人轉生囉 ...  

steven88hk

cin940308 發表於 2012-5-29 15:31
aesopi開頭的玩家路過
樓主說的很好可是這版有專帖……

我總結一下, 打在同一個帖裡面, 然後轉發過去 ...

cin940308

steven88hk 發表於 2012-5-29 15:38
3. 第三, 加入副本系統

係, 冇錯, 副本系統唔係想像中咁複雜 ... 簡單 D, 整個 NPC, 一隊人(一定係一隊,  ...

我覺得轉生系統加其他系的技能並不討好
修士無力即使學了戰士技也得物無所用
而戰士學到補血技也不見得可以低智可以補到多少
同時會削弱玩家之間的交流
童話之所以不開放三轉好像說是「童話是一個講求TEAM WORK的遊戲」:D

steven88hk

cin940308 發表於 2012-5-29 16:45
我覺得轉生系統加其他系的技能並不討好
修士無力即使學了戰士技也得物無所用
而戰士學到補血技也不見得可 ...

係, 冇錯, 係冇用 ...

不過我要一個 motivation 比人轉生, 下下都為左果幾點敏轉生(而且有上限) ... 好冇意思 ...

要動力, 童話就係缺乏動力 ...

比其他職業, 多少少玩法 ... 有動力吸引人轉生(多 D 低 lv 人, 可以同新手融合 ...)

Team work ? 童話冇左好耐啦 ...  祭師已經係 Team work 的犧牲品 ...

所以要 Team work , 就一定需要副本, 冇一個高難度 + 講求技巧的副本,  Team work 是空談.

我唔知你有冇玩過魔獸, 我覺得魔獸的副本做得非常出色 ...

完全係 Team work 型遊戲 ... 有出招, 走位, 等等都非常注重技巧 ...

童話係回合制遊戲, 冇得話走位 ... 不過起碼可以係出招次序度做改良 ...

例如: 副本中最後果 10 個王都好高攻擊力, 需要祭師用 456 來定緊幾隻 (當然 456 要開返, 打王有效先 ... 不過可以 miss , 命中率同智慧/技/lv 掛勾, 咪得囉 ... ) , 然後需要光 C 來大量補血 + 六芒星救人 ... 咁咪叫 Team Work 囉 ...

而唔係而家, 個個都係全敏商人/魔獸師, 拎住個分子武器, 一個人已經可以打曬成個保戰 ...

呢 D 唔叫 Team Work ...

另外, 應該加強祭師的法術效果, 例如: 降攻, 可以降好多, 加攻可以加好多, 降防可以降好多 ... 起碼要比寵要多 (數以倍增, 咁先有意思), 否則, 祭師只能被寵物取代 ...

其實, 你咁改, 冇咩大影響架 ~ 祭師 又唔會強左(因為都係扶助性魔法), 而家點解冇曬祭師 ? 其實好大原因是比寵物取代左 (起碼火智係一個最大的取代 ... )

moonlight

steven88hk 發表於 2012-5-30 00:54
係, 冇錯, 係冇用 ...

不過我要一個 motivation 比人轉生, 下下都為左果幾點敏轉生(而且有上限) ... 好 ...

講得好岩
童話真係某幾個職業既人數多得好誇張！

蘋果味牙籤

steven88hk 發表於 2012-5-29 15:38
3. 第三, 加入副本系統

係, 冇錯, 副本系統唔係想像中咁複雜 ... 簡單 D, 整個 NPC, 一隊人(一定係一隊,  ...

轉生可以學技呢個我已經諗到
魔獸,大老闆可以學暗2
連闇師惟一功用都無埋=)

蘋果味牙籤

steven88hk 發表於 2012-5-30 00:54
係, 冇錯, 係冇用 ...

不過我要一個 motivation 比人轉生, 下下都為左果幾點敏轉生(而且有上限) ... 好 ...

先利申: 魔獸玩家
我知魔獸嘅副本係做得好好
但係始終style唔同 唔可以相提並論
如果真係要比較 可以拎魔力黎比較
魔力一樣係回合制 但5P5果時 或者王戰
一樣有策略 有戰術可言

你話依家D人咁高傷 一下打都999999血 玩乜?
但其實事實上 打多高傷唔係玩哂
就好似之前玩家GM之戰
GM講緊嘅係識哂所有技能 血量破千萬,破幾千萬
係果陣時候 一定要講策略 講戰術

以上唔係唔同意你嘅講法
只係想補充番少少有關回合制副本嘅諗法

幻乂魂

係23層加多次打女巫(妖)?
送開水/參湯/雞精?
alta仲洗出包搵食?
同埋你係指23層本身果隻女巫(妖)能力?
大把人秒到啦wo

steven88hk

幻乂魂 發表於 2012-5-30 11:03
係23層加多次打女巫(妖)?
送開水/參湯/雞精?
alta仲洗出包搵食?

單挑你秒我睇下 ...

而且係連續打 3 隻女巫 + 雙色龍, 唔比逃跑, 只抽 ...

幻乂魂

steven88hk 發表於 2012-5-31 13:58
單挑你秒我睇下 ...

而且係連續打 3 隻女巫 + 雙色龍, 唔比逃跑, 只抽 ...

b23隻野30m血渣
你估好多....?

steven88hk

幻乂魂 發表於 2012-5-31 14:06
b23隻野30m血渣
你估好多....?

你覺得我冇上過 23 , 冇打過隻野 , 我唔知 30m 血 ?

不過, 我知道, 係冇火智寵/加攻下, 可以一野打到 30m 的人有幾多個 ? 而且隔離仲有兩條龍(排位未明) ...

你知唔知咩叫秒 ?

我真係好想見識下 ... 仲要大把人喔 ...

幻乂魂

steven88hk 發表於 2012-5-31 14:12
你覺得我冇上過 23 , 冇打過隻野 , 我唔知 30m 血 ?

不過, 我知道, 係冇火智寵/加攻下, 可以一野打到 30m ...

1野白金卡清哂3隻野啦
條火冰龍扣得幾多?
同埋隻女妖吸1野吸得幾多?
e+個個用體eq升 佢吸3~4下都唔死啦
上23仲洗+攻降防咩?

steven88hk

唔講廢話, 繼續 ...

通漲問題.

其實, 解決通漲問題, 來來去去都係果幾個方法 : 開源節流 ...

首先, 節流先 ...

1. 取消國家收購有錢比. 以後, 國家收購只有聲望, 想要錢 ? 比物流啦 ~ 所以, 以後的政策應該, 國家收購 --> 只有聲望, 物流 --> 只有錢.

2. 加大物流差價. 即降低收野價錢, 提升賣出價錢 ...

3. 降低打怪出的錢. 或者直接唔好出錢算啦, 新手想要錢 ? 打怪賣垃圾啦.

至於開源, 就係開源頭收錢.

1. 童錢可以換魔幣. 按比例, 大概 17.5萬 = 1 點魔幣. (好多人會話, 唔得喔, Alta 仲洗出點卡?) 試想下, 如果上面三點做曬, 童話裡面的錢只會越來越少. 而童錢換魔幣, 亦都換唔到幾多. 比你有 1 億, 你最多咪換 1000 點 ... 咁你 1 億換左, 加上上面三點實施, 試問你需要幾多時間去賺多1億來換 ? 而且, Alta 可以 set 個時間, 作個藉口, 話 "童話大回饋", 或者 "6 .1 兒童節童錢換魔幣" , 就比個限期, 係果一兩日先可以換, 之類. 咪當係回饋玩家, 送少少點數出去囉. (不過, 事先真係要實行上面三條, 堵截左個 Game 係咁比人刷錢先 ... )

2. 童錢換經驗值. 如果唔想換點數, 咪換經驗值囉. 1 蚊換 10 點經驗, (或者其他比例, 官方自己訂). 呢個既可以讓成日返工的懶人唔洗升 lv , 又可以收返 D 童錢.

steven88hk

幻乂魂 發表於 2012-5-31 14:26
1野白金卡清哂3隻野啦
條火冰龍扣得幾多?
同埋隻女妖吸1野吸得幾多?

你 1 野白金可以打到 30 萬 ? 冇加攻, 冇降防, 唔係克屬性喔 ~

果然高人, 我真係想見識下 ...

仲有, 你而家係講緊 "秒" ~ 既然你秒得, 佢就冇機會吸你啦 ~

女巫吸一次, 大概 1 萬多 D ... 冰龍一野大概 4 ~ 5 千左右 ... 我覺得你隻火智應該冇 4 ~ 5 千血掛 ... 而且係克屬性喔, 所以一定扣多過 5 千 ...

幻乂魂

steven88hk 發表於 2012-5-31 14:35
你 1 野白金可以打到 30 萬 ? 冇加攻, 冇降防, 唔係克屬性喔 ~

果然高人, 我真係想見識下 ... ...

大把人做到.....
佢仲洗咩出包搵錢?
火智點會冇4~5千血?
我隻都成7千啦(仲要冇用體玩升架)

steven88hk

幻乂魂 發表於 2012-5-31 14:40
大把人做到.....
佢仲洗咩出包搵錢?

麻煩示範下, Post 圖上來 ... 既然你話大把人做到 ...

幻乂魂

steven88hk 發表於 2012-5-31 14:34
唔講廢話, 繼續 ...

通漲問題.

加大物流差價. 即降低收野價錢, 提升賣出價錢 ...
搞笑?開分身洗錢?

低打怪出的錢. 或者直接唔好出錢算啦, 新手想要錢 ? 打怪賣垃圾啦.
搞笑+2?帶升咪仲貴~新手梗加冇錢玩