玩免費ser真係好崩潰

poisonboy

蘋果味牙籤 發表於 2013-7-23 14:50
你不如諗下你將月費SER洗左既錢
dump過黎免費SER
你會有幾勁?

講真 你估班老手真係坐定定得錢跌落黎咩
人地呢10年花左幾多時間?
↑↑↑↑↑↑↑↑↑
好似係你自己講...

poisonboy

我爭呢一口氣其實都無乜意思，我只係想同gm反映番個情況姐，不過佢唔理我~.~算啦我番我既收費

jelly

樓上不停講秒乜秒乜都唔知做咩...
一句到尾，一隻遊戲靠港紙換到高實力，就係失衡。
如果非靠港紙不可，先可以生存，先可以玩落去，就係本末倒置。
唔好同我講咩現唔現實，大家想追求既係公平性。
免SER要靠HKD，根本就係事實，有咩好拗？
要靠HKD先玩到，咪就係失衡囉！
冇人否定你班玩家冇努力過，
但當大部分既努力可以用錢換到，就係唔公平囉！
同用錢買學位、買選票、買職位，有咩分別？

既然係控訴，樓主覺得有唔公平，錯在哪？
姑且勿論樓主最後會唔會比港紙玩免SER，
都唔會影響到「免SER存在唔公平性」呢個事實。
呢到唔係話要強求絕對公平性，
而係希望官方可以拋出措施維持下公平性，
關注下收費SER，
就係咁乸簡單！
無論你覺得免SER有冇唔公平，
抑或覺得收費SER係咪垃圾都好，
都尊重下人地表達訴求既權利好嗎？
一味圍埋一堆批鬥人，
我只見到無知，但不見理智！

蘋果味牙籤

依家係打免費online game...
你拎學位 選票 職位黎類比會唔會有點兒那個...
如果隻GAME唔存在用HKD變勁既
咁GM唔洗食飯咩...
我只係想大家站係官方果個角度諗下je
咁都算無知我無野好講

siU妍

唔知呢~

jaste

魏王曹操

其實免費SER有好多人都係唔用HKD玩
我朋友個家族大把呢D人,慢慢用時間玩上去,完全唔靠HKD既真正新手
有次仲見到佢地話1000M對佢地黎講係天文數字黎
但係買童錢100 = 1E8
有咩分別,人地咪一樣照玩

再加上我真係唔知用HKD玩有咩唔平衡?唔平衡在那?
你用HKD買貨/買勁AC , 我就用自己D時間慢慢升,慢慢儲童錢買
分別在於HKD買就即刻得到,自己慢慢升就遲D先得到
但係你有冇計過,人地唔洗付出?人地付出就係金錢
有一句說話,肯定冇人唔同意,就係時間=金錢
就算你唔承認,但係有個事實就係:人生大部份時間都係為左搵錢
咁人地搵到錢,佢就唔想再晒時間去升技升寵個D,所以佢會直接用錢買
你付出時間,有錢既人付出金錢,有咩唔平衡???
如果你目的只係想GM理下收費SER,我就唔方便多講,因為我冇玩
但係如果你係想講免費SER唔玩HKD唔得,我可以話比你聽,大把人都係冇用HKD玩
咪一樣係咁玩

魏王曹操

你玩任何GAME都係呢個情況,比真錢玩既人一定比冇沒有付出真錢玩既人強
但係唔會強太多,最少唔會話完全失去平衡
當然我講既係大部份,都有小數唔比錢玩既人都可以好勁
但係如果大家一齊企係起跑點上,比錢既人永遠比冇比錢既人強
就正等於你讀書,你自修同比錢出去讀課程同一道理
你自修一樣可以達到目的,但係人地比錢既會比你更快達到目的咁解

jelly

蘋果味牙籤 發表於 2013-7-23 17:03
依家係打免費online game...
你拎學位 選票 職位黎類比會唔會有點兒那個...
如果隻GAME唔存在用HKD變勁既

原則有限唔同既情況?!
乜施主你既底線咁隨便架?!
或者你會認為「打下機啫唔公平有咩所謂」,
但可否留個空間比我, 或者比其他人去爭取更多公平性?!
唔係一句「GM要食飯」就可以由得目前既情況繼續落去~~
或者我地咩都爭取唔到,
但至少我地出過聲先~~

yushiko

魏王曹操 發表於 2013-7-23 17:24
你玩任何GAME都係呢個情況,比真錢玩既人一定比冇沒有付出真錢玩既人強
但係唔會強太多,最少唔會話完全失去 ...

我有個fd玩足9年,佢真係無用hkd玩,真係好勁,佢用既咪就係時間囉

jelly

魏王曹操 發表於 2013-7-23 17:21
其實免費SER有好多人都係唔用HKD玩
我朋友個家族大把呢D人,慢慢用時間玩上去,完全唔靠HKD既真正新手
有次仲 ...

其實你仲未明白~~
個遊戲當然可以慢慢玩,
但有錢既人可以好快就上到最高個層,
其他人就要慢慢捱,
呢個差距就造成好多唔公平既問題~~

你唔能夠講一句: 有錢就可以買走D時間,
咁就由得官方唔去維持一下平衡性~~
你咁講就等於: 有錢咪去睇私家囉,
所以政府就可以唔理睇公立醫院個班窮人?!
個醫療制度有不公呀你明唔明?!
所以政府應該有措施去減低, 去舒緩呢個問題呀你明唔明?!
同樣地, 官方唔係都應該舒緩下遊戲差距既問題咩?!
你甘心呢個遊戲永遠冇新血,
由得你班最高層人士自作自樂?!
你甘心離開左既人永遠都冇能力再回巢再重拾遊戲既樂趣,
除非佢不停用HKD買童錢?!

或者施主會覺得呢D係市場主導既事情,
應該放手由個市場去自動調節,
有錢慢慢買童錢, 冇錢慢慢打飛機~~
但我既主張只係想個遊戲唔好則重哂係最高層個班人到,
其他人好似唔妥協唔用HKD就要玩足一世咁~~
你認同你既各取所需,
但我認為遊戲更應該係大家都可以互相補足,
互相扶持,
首要既條件, 就係減低個差距!!

魏王曹操

我明白你想講咩,一個[你認為]最理想既世界
可惜呢個世界唔會係香港出現,更加唔會係童話出現
你既思想同出發點係不錯,不過點講都只係你自己認為
正等於:有錢人都係人,窮人都係人,點解大家唔可以一齊公平笑哈哈咁係埋一齊呢
只可以講一句,有錢人比起窮人黎講,更加好
你既講法都岩,有錢人係可以係童話極速上到高位
但係窮人就要慢慢捱

就算你玩左2~3童話,唔用HKD玩,有D成績,人地可能用7000~8000$HKD左右已經派左你頭了
THAN?我唔認為有咩問題
正等於有人會認為係有問題,有人認為係冇問題一樣
呢個根本就冇唔平衡,呢個都係社會既定義黎
最簡單有錢人食飯,可以食好多好好,好珍貴既野
其他人可能每晚仲食緊M記,大家樂
咁洗唔洗叫政府用措施去減低?

魏王曹操

可能你講咁多野都係想GM留意呢個問題
如果係收費SER我唔知,免費SER就冇可能
因為免費SER已經10年有多
有呢種唔平衡既情況,完全唔出奇

jelly

魏王曹操 發表於 2013-7-23 18:00
我明白你想講咩,一個[你認為]最理想既世界
可惜呢個世界唔會係香港出現,更加唔會係童話出現
你既思想同出發 ...

言下之意, 政府扶貧係浪費資源, 係冇必要?!
施主你真係好幸福~~
或者你唔使幫阿爸阿媽看舖搬貨,
唔使自已搵錢交學費,
唔使食隔夜飯渣,
仲有大把錢比你去買裝買童錢~~
但好對唔住, 唔係人人都有呢個福分~~
如果你覺得幫弱勢社群係冇必要,
我都唔會阻止你,
但我祝福你可以安樂一生,
永遠都唔使做弱勢社群~~

poisonboy

我認為個問題係嚴重既程度，

老老實實我就唔知買條分鞭幾錢啦，我個側重點係：新手難加入免ser←←←

正正常常既情況下應該一隻game係唔同階層lv既人都有一個比例，但係免ser新手既比例好低，個原因就係因為隻game現有既發展層級太高，正如我過到免ser係呆左既情況一樣，你唔會有打怪草可因既打算，因為物價實在太高，我想過免ser，但係我自己接受唔到

而且gm所做既4Ps,其中既promotion不足，味玩過既人可能唔知童話呢隻game，
連鎖效應之下越黎越少新手=越黎越少人玩，
第2個新手見無乜新手玩又可能會唔想玩，最後到左一個程度，舊既玩家退童，新既玩家唔會加入既時候，童話會汁

講完一大輪，我係指出緊，如果係用錢就可以做到買分鞭，一下子去到一個好勁既層次/升技exp既增加速度大幅上升(例如打出高傷可以加好多exp)，
遊戲既壽命會好短，因為一下子可以玩到好勁

w.uwants

poisonboy 發表於 2013-7-23 18:40
我認為個問題係嚴重既程度，

老老實實我就唔知買條分鞭幾錢啦，我個側重點係：新手難加入免ser←←←

10年產品個product cycle 其實係咁上下
加上無改進, 新資料片

咁decline係無可避免

poisonboy

我覺得有人用hkd係正常，但係免ser個情況係非用hkd不可，搞到個情況好嚴重
如果唔用hkd，你地諗下自己由零開始 頂唔頂得順?周圍都係用hkd既人，個個拎住條分鞭，你拎住條100幾200傷工技鞭，

你係game入面識既朋友全部都係hkd戰士，1個禮拜升到80lv魔使就開始秒水木，你自己仲係50lv卡住煩緊點樣做多d任，搞多d可因去洗聲
你會有咩感受?
做到成個氣氛都變左必然要hkd先生存到

魏王曹操

講童話GAME可以扯到出社會大學
小朋友,你羸晒了
不過我真係未試過:

幫阿爸阿媽看舖搬貨
食隔夜飯渣
用真錢去買裝買童錢

OK講最直接一句
你要點提議收費SER點改,點做係你既事
但係唔好扯到過黎免費SER
你去免費SER問下有幾多人同意你講既野先OK?

冇理由為左你地小貓3~4隻就走去改,對不對?
之前都有人講過啦,黎黎去去咪又係你地圍內個小貓3,4隻

你真係走入去免費SER問下D人,係咪真係你地想講既咁樣先啦
只可以講句,講免費SER新手好難生存既人得3個可能

1)唔想付出時間或金錢,,但又想做到好勁
2)根本唔識係童話搵錢
3)完全未玩過童話,真正新手

你係邊種呀

w.uwants

遊戲與現實世界掛勾

M型社會, 兩極化發展

p.s.如果有人解決到呢個問題, 我諗全部人既資產會再次平分

poisonboy

魏王曹操 發表於 2013-7-23 17:21
其實免費SER有好多人都係唔用HKD玩
我朋友個家族大把呢D人,慢慢用時間玩上去,完全唔靠HKD既真正新手
有次仲 ...

好多人係唔用hkd玩，呢個好多人係咪指4-5成以上既新手先= =