★《星界神話》意見、BUG、投訴 集中回報帖 (官方定期瀏覽)

angellam104

希望Alta可以唔好只係識得將台灣既野直接Copy過黎香港,希望你地認真地研究下係遊戲設定上配合番依家既遊戲生態/環境,多從玩家角度出發,甘先可以整番旺隻Game

相信有幫過新手既舊人或者岩岩升上黎既新人都會感覺到依家堆裝你唔入點根本無可能打到副本,我唔係指高難度既40f/不歸個類副,只係講緊岩自己Lv既普通副本,成因好簡單 ; 香港代理完全忽視遊戲人口,冷冰冰的將台灣低掉寶率既設定搬到香港,引致新手們就算超勤力,夠鐘就清單人副本都好,你有9成既裝備或者材料都係要向外買番黎 ; 但記住啵,依家甘既遊戲人口同生態, 你要買某樣材料黎整裝都絕對可以令到個樣材料既價格十級跳,再加上驚人既製作費用,新人絕對不可能係唔入點既情況下,堆到一身合格既裝備
解決方法 :  -將掉寶率真真正正上調,特別係裝備類別,增加番供應先可以令新人有充足資源去堆裝跟番主等級群打副
                  -調降製作費用,香港server人口真係好少,造成賺錢渠道單一化,生產技能形同虛設,現金流動唔大,新手賺錢極為困難,望到天價般的製作費用,相信已經卻步
                  -增加拍賣數目上限,道理同上,增加上限可以鼓勵高Lv玩家放多d唔同種類既物品上拍賣,增加番物資同現金既流動


另外,另一個為人垢病既就係香港代理既活動越來越驚嚇,我認真地研究過唔係由台灣搬過黎既活動,發現d活動越黎越唔係為玩家而設,而係為出而出,就好似最近既奇幻限時儲值活動,奇幻都出左n耐,大部份玩家都已經打到足夠數目既材料,連某玩家都整左好幾把10x%既金武,仲放上論壇比各位欣賞,然而,官方仍然以奇幻材料作為活動獎勵,真心的唔知官方有無入過Game望下隻Game入邊發生緊咩事又或者去明白玩家需要d咩野

官方係舉辦活動既時候,嚴重偏重煉金活動 & 儲值活動 2款活動,但呢2款活動都係需要重課先有合理既回報,昔日小額儲值/消費/簽到活動已經失蹤.而且,之前官方之前成日話會研究補底機制,但活動設定上,將大量寶物放到煉金呢種無保證既機制下邊,其實官方係唔係暗中同大家宣佈,你地已經研究完畢,香港代理無興趣為課金玩家設一個保護網

望到隻Game人口一日少過一日,曾經下午上線,開哂所有頻,但四,五個鐘之後,除左系統公告之外,發現交易頻,世頻,招募頻都係水靜鵝飛,真係為隻Game感到擔憂,再望望遊戲設定,我發現,其實無論新人,舊人,玩落去既動力,真係好低

希望官方係隻Game宣告無得救之前,做番好代理應該要做既角色,做番好既Game去